ناقانونی پوللرنینگ یوویلیشینی منع ایتوچی قانون لایحه سی تصدیق لنمه دی

Image copyright BBCPersian.com

ناقانونی پوللرنینگ یوویلیشی آلدی آلینیش قانون لایحه سی بوگون اولوسی جرگه نینگ عمومی یغینیده بحث گه آلینیب اما نصاب تولمه گنی اوچون تصدیق لنمه دی، اما ملت وکیللری مذکور قانون لایحه سی دوشنبه کونی ینه بحث آلینیشی گه امید بیلدیردی.

اولوسی جرگه نینگ بوکونگی یغینی ناقانونی پوللرنینگ یولیشی آلدی آلینیش قانونیگه قره تیلگن ایدی. اما افغانستان کیله جک مالی تیزمی اوچون مهم دیب کورسه تیلگن بو قانون اولوسی جرگه تامانیدن بوگون تصدیق لنمه دی.

245 ملت وکیلدن فقط یوز کیشی سی بوکونگی یغینده حضور تاپگن ایدی. بیراق اولوسی جرگه نینگ ایش اصولی گه بناً قانونی لایحه لرینی تصدیق لش اوچون کمیده 125 وکیل حاضر بولیشی شرط.

ایریم ملت وکیللری نینگ ایتیشلریچه بیرقنچه ملت وکیللری جمهوررییسلیک سیلاو کمپاین لری بند.

اولوسی جرگه نینگ 18 قوشمه کمیسیونی ، مرکزی بانک و عدلیه وزیرلیگی قریب بیر هفته آلدین بو قانون لایحه سی نی کوریب چیقدی.اما بعضی بیر ملت وکیللری قانون لایحه سی ایریم بندلری چقور کوریب چیقیلیشی ضرور لیگینی تیلگه آلدیلر.

ناقانونی پوللرنینگ یوویلیشی الدی آلینیش قانونی بوندن اوچ ییل مقدم توکیو انجمنیده مطرح بولیب بوقانون تصدیق ایتیلیشی یاردمچی مملکت لرنینگ یاردملری اوچون قوییلگن شرط لردن بیری ایدی.

شو اوچون ایریم ملت وکیللری بوقانون تصدیق له نیشی اوچون حکومت نینگ به وقت حرکت قیلمه گنی گه عیبله دی.

بوندن آلدین افغانستان مرکزی بانک رییسی جاری میلادی آیی اخرلریگه قدر بو قانون تصدیق لنمه سه افغانستان دنیا نینگ معتبر بانک لری قره رویخطی گه کیرتیلیشی بیلن اگاه لنتیرگن ایدی.شو اوچون ایریم ملت وکیللری مذکورقانون سیلاو دن آلدین تصدق ایتیلیشینی تاکیدله دیلر.

اما شوندی بولسه هم نصاب تولمه گنی اوچون قانون تصدیق لنمه دی.

45 بند دن عبارت ناقانونی پوللرنینگ یوویلیشی الدی آلینیش قانون لایحه سی حکومت تامانیدن پارلمان گه یوباریلگن ایدی. اولوسی جرگه تامانیدن ینه 25 بندقوشیمچه قیلیندی. بوقانون دوشنبه کونی اولوسی جرگه نینگ عمومی یغینده ینه بحث گه الینیشی کوتیله دی.

افغانستان حکومتی، ناقانونی پوللر یویشینی نظارت قیلیش تشکیلات قطع نامه سیگه امضا قوییگن. بو تشکیلات قطع نامه سینی امضاله گن هر بیر مملکت ایسه اوشبو تشکیلات معیارلریگه ماس پولی معامله لرینی عملگه آشیریشگه مجبور.