پاکستان عبدالله عبدالله قرشی اویوشتیریلگن هجوم ده قولی بارلیگینی ردایتدی

Image copyright AP

پاکستان عبدالله عبدالله گه قرشی اویوشتیریلگن هجوم ده قولی بارلیگی حقیده گی ادعانی رد ایتدی. اوتگن کون افغانستان ملی امنیت کینگشی مذکور هجوم " تشقی استخبارات" اداره لریدن بیری تامانیدن ریجه لشتیریلگنینی ادعا قیلگن ایدی.

هرچند ملی امنیت کینگشی بوخصوصده اچیق معلومات بیرمه دی، لیکن بو هجوم ا پاکستان استخبارات اداره سی تامانیدن پلان لشتیریلگنی گمان قیلینگن.

اوتگن جمعه کونی ایککینچی دور سیلاو نامزدی عبدالله عبدالله نینگ کمپین کاروانیگه قرشی اویوشتیریلگن هجوم نتیجه سیده التی کیشی اولیب و 22 کیشی یره لندی.

پاکستان تشقی ایشلر وزیرلیگی سوزچیسی تمیم اسلم، بیراعلامیه ترقه تیب پاکستان نینگ مذکور هجومده قولی بولگن دیگن ادعالرنی قطعی رد ایتگن.

عبدالله عبدالله گه قرشی اویوشتیریلگن هجوم کینگ مناسبت لر بیلن بیرگه بولیب امریکا و بیرلشگن ملتلر تشکیلاتی امنیت کینگاشی تامانیدن هم قتیق قاره لندی.

اوتگن کون افغانستان ملی امنیت کینگاشی یغینیده بوخصوصده شوندی قرار چیقه ریلگن" دستلبکی تحقیقات نتیجه سیگه کوره، " لشکر طیبه تامانیدن جناب عبدالله گه قرشی اویوشتیریلگن هجوم ارقه سیده تشقی استخبارات اداره لریدن بیری نینگ قولی بولگنی انیق لنگن."

اصلی فعالیتی پاکستانده بولگن طیبه لشکری تروریستی بیرگروه بولیب افغانستان و پاکستان دولتلری بوگروه نینگ قطار هجوملرده قولی بارلیکده عیبلب کیلگن.

پاکستان تشقی ایشلر وزیرلیگی سوزچیسی بوکبی ادعالر افغانستان و پاکستان اره سیده سونگی بیرنیچه آیی جریانیده پیدا بولگن دوستانه علاقه لرگه منفی تاثیر قوییشی ممکن لیگینی ایتگن.

جمهوررییس حامدکرزی عبدالله عبدالله گه قرشی اویوشتیریلگن هجوم باره سیده تحقیقات اوتکزیش اوچون بیر هیات تعین ایتگن.

عینی حالده افغانستان ملی امنیت اداره سی اوتگن کون مطبوعات انجمنی اوتکزیب ایککی نامزد دن بیریگه قرشی اویوشتیریلیشی ریجه لشتیریلگن بیر هجوم بیکار قیلگنیدن خبربیردی. شونینگ دیک بو اداره سوزچیسی عبدالحسیب صدیقی، سیلاو امنیتی باره سیده 19-19 رقملی اطلاعات مرکزی ایجاد ایتلگنینی معلوم قیلدی:" ایککینچی دور سیلاو امنیتی نی تامین لش مقصدی بیلن 19_19 رقملی اطلاعات مرکزینی ایجاد ایتیشگه قادر بولدیک. بوندن مقصد هم یشاوچیلرتامانیدن خوف سیزلیک باره سیده ییتکیزیلگن معلومات لرگه به وقت جواب بیریش."

ایککینچی دور جمهوررییسلیک سیلاو عبدالله عبدالله و اشرف غنی احمدزی آره سیده جوزا آی نینگ 24- بولیب اوتیشی کوتیله دی.