افغانستان جنوبیده ینه بیش ناتو عسکری قربان بولدی

Image copyright bbc

ناتو باشچیلیگیده فعالیت آلیب باره یاتگن خلق ارا اتفاق کوچلری نینگ اعلام قیلیشیچه بیش خارجی عسکر افغانستان جنوبیده هلاک ایتیلگن. ناتو بیاناتیده بو بیش عسکر دوشنبه کونی قربان بولگنی معلوم قیلینگن.

افغانستان جنوبیده گی چیت ایللیک کوچلرنینگ اکثریتی امریکالیکلر، اما ناتو سونگی حادثه ده قربان بولگن لرنینگ ملیتی نی آشکار ایتگنی یوق.

طالبان عصیانچیلری بیر خبرنامه صادر ایتیب زابل ولایتی نینگ مگزک تومنیده ناتو کاروانیگه هجوم قیلشگنینی ایتگن.لیکن بیاناتده تلفات باره سیده هیچ قندی معلومات بیریلمه گن.

افغانستان جنوبی حدودلری طالبان عصیانچیلری نینگ اساسی فعالیت مرکزی سنله دی . همده شو بولگه لرده عصیانچیلر ناتو کوچلریگه تیز – تیز هجوم قیله دیلر.

ییل باشله نیشیدن بیری ناتو باشچیلیگیده گی کوچلرنینگ اوتیزدن آرتیق حربیلری قربان بولیشگن. سونگی حادثه ایسه بوییل ناتو تلفاتی نینگ آره سیده اینگ هلاکتلی سی دیر. افغانستان جمهوررییسیلیک سیلاو نینگ ایککینچی دوریگه هم سناقلی کونلر قالماقده طالبلر بو سیلاوگه قرشی بولیب جریان واشتراک چیلرنی مقدم بیر نیچه مرته نشانگه آلگن.