قندهار بیلیم یورتی نینگ 35 استاد وطلبه سی طالبان تامانیدن اوغیرلندی

غزنی ولایت مقاملریگه کوره، طالبان گروهی قندهار بیلیم یورتی نینگ استاد وطلبه لریدن 35 ته سینی قندهار و کابل شاه یولیده موتردن توشیریب اوزلری بیلن آلیب کیتگنلر.

غزنی ولایتی نینگ ولایت حاکمی اورین باسری محمد علی احمدی گه کوره، بو شخصلر سیلاو مناسبتی بیلن اعلان ایتیلگن تعطیلات دن فایده له نیب کابل کیلماقچی ایکنلر.عینی حالده غزنی مقاملری باشقه بیر موترده بولگن استادلردن بیری پلیس و طالبان اره سیده یوزبیرگن توقنه شووده تن جراحتی آلگنینی ایتگنلر.

احمدی جنابلری بی بی سی بیلن بولگن صحبتیده طالبان تامانیدن اوغیرلنگن شخصلر مینگن موتر غزنی ولایتی اندر تومنی نینگ نور بابا قیشلاغیده طالبان تمانیدن توخته تیلیب طالبان ایسه 35 کیشی نی نامعلوم محل گه آلیب کیتگنلرینی ایتگن.

غزنی ولایتی نینگ ولایت حاکمی اورین باسری اوغیرلنگن شخصلرنی تاپیش او اولرنی آزاد ایتیش اوچون محل آقسقالر واسطه چیلیگی بیلن سعی وحرکت لر باشلگنینی تیلگه آلیب شوندی دیدی:" معلوماتی میزگه بناٌ، طالبان اوغیرلنگن شخصلردن ایککی یا اوچ کیشی سی نی " شبهه لی " بولگنینی ادعا قیلگن ، باشقه قالگنلریینی قوییب یوباریلیشی ممکن."

شونینگ دیک احمدی جنابلری هیچ بیر مملکت دن آت توتمی بو اوغیرله نیش واقعه سیده خارجی قوللر دخیل بولیشی ممکن لیگینی ایتدی.

عینی حالده اونینگ ایتیشیچه، سیلاو عرفه سیده یوللرده عصیانچیلر فعالیتی کوپیب اولرنینگ ایریملری فارس و پشتو تیللریده صحبت قیله آلمس ایکن، همده غزنی ولایت حاکمی اورین باسری نینگ علاوه قیلیشیچه، طالبان عصیانچیلری فعال بولگن محللرگه ماین ییرلشتیریب موترلرنی هم توخته تیب بیرمه بیر تیکشیررایکن.

ایککینچی دور جمهوررییسیلک سیلاو ایککی ایتکچی نامزد عبدالله عبدالله و اشرف غنی احمدز اشتراکی بیلن جوزا آی نینگ 24- سیده بولیب اوته دی. طالبان ایسه سیلاو جریانینی ایزیدن چیقه ریشی بیلن تهدید ایتیب کیلماقده.

شونینگ دیک غزنی مقاملری؛ کونی کیچه خوف سیزلیک پوسته لریدن بیریگه طالبان هجومی نتیجه سیده یوزبیرگن توقنه شوولرده 15 طالب هلاک ایتیلگنیدن خبربیرگن.