آمریکا 12 نفر خارجی محبوسنی بگرام قماقخانه سیده آزاد ایتدی

Image copyright
Image caption قویب یوبارلگن محبوس لردن بیری فرانسه لیک، باشقه سی کویت وطنداشی و قالگن 10 کیشی سی ایسه پاکستان لیک بولگن .

امریکا لیک ملازم لربگرام قماقخانه سیده سقله نیب کیلگن 12 نفر چیت ایلیک محبوس لرنی قویب یوبارگنلرینی معلوم قیلگن.

قیته اوز مملکتلریگه تاپشیرلگن بو شخص لرنینگ بگرام قماقخانه سیده سقله نیشیدن افغانستان رسمی لری آگاه بولمه گنی ایتلماقده.

معلوماتلرگه کوره قویب یوبارلگن محبوس لردن بیری فرانسه لیک، باشقه سی کویت وطنداشی و قالگن 10 کیشی سی ایسه پاکستان لیک بولگن .

بوشخص لرنینگ قیسی شرایط آستیده قویب یوبارلگنی حاضرگچه آشکار ایتلمه گن .

امریکا جمهور رئیسی باراک اوباما بوندن آلدین بیرمکتوب آرقه لی بو مملکت کنگره سیگه، بگرام قماقخانه سیده پاکستان لیک، تونسی لیک، روس و یمن لیک داخل 38 کیشی خارجی وطنداش لرنینگ سقله نیب کیله یاتگنینی معلوم قیلگن ایدی.

امریکا مدافعه وزیرلیگی پنتاگون هم بو محبوس لرنینگ جنگری گروه لر بیلن علاقه سی بارلیگی خصوصیده معلومات لرنی کنگره گه بیرگن ایدی.