عبدالله عبدالله : آواز سنش جریانی توخته تیلسین

Image copyright AP

جمهور رئیس نامزدلریدن بیری عبدالله عبدالله افغانستان جمهور رئیس لیک سیلاوی ایکینچی دوری نینگ آوازسنش جریانی تیزلیکده توخته تیلیشی نی سوره دی.

او کابلده بوگون توشدن کیین خبری انجمن ده سوزگه چیقیب بوطلب نی قیلدی.

شونینگ دیک او افغانستان سیلاولر مستقل کمیسیونی بوتیم نینگ طلب لریگه تولیق جواب بیرمه گنی اوچون بوکمیسیون بیلن علاقه لرینی وقتینچه لیک توخته تیب قوییشی نی تیلگه آلدی.

عبدالله جنابلری افغانستان جمهوری سی نی هم بی طرف قالمسلیککه عیب لب کمیسیون لرگه ایشانچی قالمه گنی نی بیلدیردی.

او اوزسیلاوتیمی نظارتچی گروهی دن وظیفه لرینی ترک ایتیب وکمیسیون لر بیلن همکارلیک قیلمسلیک لرینی ایسته دی.

عین حالده افغانستان سیلاولر مستقل کمیسیونی بوطلب لرنی قبول قیلمی اوزایشلرینی کونگیلده گی دیک دوام ایتدیریشلرینی بیلدیرماقده.

باشقه تاماندن بیرلشگن ملت لرتشکیلاتی نینگ افغانستانده گی وکالتخانه سی هم عبدالله عبدالله تاماندن آلینگن قراردن حیرتلنگنی نی بیلدیریب بوندن افسوس اظهارایتگن.بوتشکیلات ایکله تامان بیلن بوخصوصده حل یول تاپیش اوچون سعی وحرکت یولگه قوییلگنی حقیده هم خبربیرماقده.

عبدالله عبدالله سیلاوجریانی باشله نیشیدن افغانستان دولتی ینه بیر نامزد منفعتی گه توزیلگن ریجه اساسیده ساخته کارلیک قیلگنی نی ایتدی.

عین حالده عبدالله عبدالله سیلاوده اشتراک ایتگن لرسانی 7میلیون دن آز بولگنی نی اوستیده توخته لیب مملکت نینگ ایریم حدودلریده کینگ قلابلیک یوزبیرگنی نی تیل گه آلیب همده.

سیلاوکمیسیون لریگه باشقه ایشانچی قالمه گنی نی ایته دی

او بو کمیسیون دارالانشا رئیسی ضیاوالحق امرخیل نینگ وظیفه سی تعلیققه توشیریلیشی نی ینه بیربار طلب قیلدی.

کابل پلیس قوماندانی جنرال ظاهر، امرخیل جنابلرینی سیلاوکونی نقلیه واسطه گه آرتیلگن آوازورق لری بولگن صندولرنی تقلب قیلیش اوچون سفربر ایتگنی باره سیده عیب له گن ایدی.

اما سیلاومستقل کمیسونی آواز ورق لری توگب قالگن محلگه بوآوازورقلری ییتکزیلیشی نی ایتیب اونی وقتینچه لیک ایشی توخته تیلیشی باره سیده کیره کلی حجت بولمه گنی نی ایتگن ایدی.

عین حالده بوگون تحول وتداوم سیلاوتیمی مسووللریدن وجمعیت اسلامی حزبی نینگ اورین باسری احمد ضیا مسعود ایریم سیاسی گروه لرسیلاوده غلبه قازانمسلیک لری اوچون اهالی نی جهاد وقومی مساله لرنامیدن اوز منفعت لریگه سو استعمال قیلمسلیک لری بیلن آگاه لنتیردی.

او بوگون کابلده پروان، کاپیسا وپنجشیر ولایت لری دن کیلگن یوزلب قوم آقسقاللری ونفوذلی کیشی لربیلن اوتکزگن ییغینده سوزگه چیقیب بومساله نی اظهارایتدی.

احمد ضیا مسعود داکتر عبدالله عبدالله سیلاونتیجه لری باره سیده بیلدریگن اعتراضی آرتیدن بیرقطارشمالی ولایت لراهالی سی بیلن بوییغین نی یولگه قویماقده.

عبدالله عبدالله سیلاوباره سیده بیلدیرگن اعتراضی آرتیدن مملکت بحران طرفی کیته دیگن لرتشویش لرکوزه تووچی لروعادی اهالی آره سیده کوچه یماقده.

باشقه تاماندن کابل وایریم ولایت لرده مدنی جماعه اعضالری ییغین یولگه قوییب سیلاولرمستقل کمیسیونی عدالتلی سیلاوبولیشی اوچون بی طرف لیک بیلن اوزایشلرینی عملگه آشیریشی نی سوره دیلر.

شونینگ دیک اولرایکی نامزد دن اهالی آوازیگه حرمت کورسه تیب تیگیشلی کمیسیون لر نتیجه لرباره سیده اعلان قیلمسدن توریب فکربیلدیریشدن باش تارتیش لری تیلگه آلینگن.

دوشنبه کونی سیلاو شکایت کمیسیونی بو کمیسیونگه 2500دن آرتیق شکایت رویخطدن اوتگنی نی معلوم قیلگن ایدی.

بوشکایت لردن اینگ کوپی سیلاولر مستقل کمیسونیگه خادم لریگه قره تیلگن ایدی.

شونینگ دیک فیفا تشکیلاتی هم سیلاوکونی 5000دن آرتیق سیلاوگه عاید قانون بوزلیک وقلابلیک حالتی یوزبیرگنی بوکمیسیون تمانیدن کوزه تیلگنی نی خبر قیلگن ایدی.