سیلاوکمیسیونی: سیلاونینگ دستلبکی نتیجه لرینی انیقلنگن وقتده اعلان ایته میز

افغانستان سیلاو کمیسیونی سیلاوگه عاید دستلبکی نتیجه نی انیقلنگن مدتده اعلان ایتیلیشی دن خبربیرگن.بو کمیسیون سیلاوبیلن باغلیق ایشلر، آلدین دن ریجه لشتیریلگن برنامه اساسیده دوام ایتدیریلیب دستلبکی نتیجه اعلان ایتیلیشی گه تیارگرلیک آلینگنی نی معلوم قیلدی.

حالبوکی بوندن بیرکون آلدین عبدالله عبدالله سیلاوتیمی سیلاوباره سیده مناسبت بیلدیریب کمیسیون لرآله دیگن قرارلرینی رسمیت گه تانیمسلیک لرینی اظهار ایتگن ایدی.

عبدالله عبدالله سیلاوتیمی سیلاوکمیسیون لری نینگ آلگن قرارلرینی قبول قیلمسلیگی نی اعلان ایتیشیدن بیر کون اوتیشی آرتیدن بوگون سیلاولر مستقل کمیسیونی سیلاونینگ دستلبکی نتیجه سینی انیقلنگن وقتده اعلان ایتیلیشی نی معلوم قیلدی.

بوندن آلدین عبدالله عبدالله نینگ سیلاوتیمی اوز علاقه لرینی بو کمیسیون لربیلن توخته تیب قوییب وسونگی مناسبتی هم کمیسیون لرآلگن قرارلرینی رسمیت گه تانیمسلیک لری بولگن ایدی.

افغانستان جمهور رئیسلیک سیلاوی نینگ دستلبکی نتیجه لری کیلگوسی چهارشنبه کونی 11سرطانده اعلان ایتیلیشی کوتیله دی.

افغانستان سیلاولر مستقل کمیسیونی نینگ سوزچیسی نورمحمد نور بی بی سی بیلن بولگن صحبتیده سیلاولرنینگ دستلبکی نتیجه لرینی اعلان ایتیش اوچون کیره کلی تیارگرلیک آلینگنی نی ایتدی."افغانستان سیلاولر مستقل کمیسیونی آلدین دن ریجه لشتیریلگن ایشلرنی آلغه آلیب بارگن وآلغه آلیب باره دی، انه شونگه اساسله نیب برچه تیارگرلیک لر آلینگن سیلاونینگ دستلبکی نتیجه لری آلدیندن معلوم قیلینگن وقتده اعلان ایتیلیشی گه امید قیله میز" دییدی سیلاومستقل کمیسیونی سوزچیسی نورمحمد نور

عین حالده بوگون افغانستان ملی امنیت کینگشی نینگ مصلحتچیسی رنگین دادفراسپنتا مطبوعات انجمنی یولگه قوییب سیلاوگه عایدیوزه گه چیققن جنجاللر ایکی نامزدتمانیدن حل ایتیلیشیگه امیدبیلدیردی.

شونینگ دیک او کیلگوسی هییت نینگ 5کونی سیاسی قدرت ینگی جمهور ریسگه تاپشیرییلشی نی تیل گه آلدی.

بوندن تشقری ایتیلیشیچه سیلاوگه عاید یوزه گه چیققن معما گه حل یول تاپیش اوچون سیلاوکمیسیون لری بیلن بیرلشگن ملت لرتشکیلاتی آره سیده صحبت لر دوام ایتماقده.

اما شونگه قره مسدن بوندن آلدین عبدالله عبدالله سیلاوتیمی یوزبیرگن ساخته کارلیک لرگه قرشی اوز ناراضی لیک نمایشلرینی دوام ایتدیریشلرینی ایتیب کیلماقده، بونمایش لر هرقنده ی یامان عاقبت لرنی آلیب کیلیشیگه جمهور رئیس کرزی وایکلله کمیسیون نی مسوول دیب ایتگن دیلر.

عین حالده تقلب لرگه قرشی کابل شهریگه تحصنگه چیققن عبدالله طرفدارلری تیککن خیمه لرینی قیته ییغیب آلیشگن لر.