یوزلب قوراللی طالب هلمند ولایتی گه هجوم قیلیشگن.

Image copyright BBC World Service

هلمندولایتیده گی دولتی قرارگاه لرگه یوزلب عصیانچی هجوم قیلیب دولت کوچلری بیلن اوروشگن لر.گزارش لرگه کوره دستلب طالبان نینگ عملیاتی بو ولایت نینگ سنگین تومنی گه قره تیلگن ایدی. اما باشقه اوچ تومنی کجکی، موسی قلعه ونوزاد تومن لریگه هم کینگه ییب کیتگن.

محلی رسمی لردن بی بی سی مخبری نقل قیلیب ایتیشیچه طالب لرپلیس قرارلرینی هجوم گه آلیشی نتیجه سیده دولت کوچلریدن 35کیشی وطالبان نینگ 100دن آرتیق اعضاسی هلاک بولگن.

محلی رسمی لرگه کوره منطقه ده گی یوزلب عایله اوز اوی جالرینی تشلب چیقیشگه مجبور بولیشگن. وکوپچیلیگی پیاده یول یوریب تینچ محللرگه اوزلرینی ییتکزیشگن.

اوی جایی دن ایریلگن لردن بیر قطاری هلمند ولایتی مرکزی لشکرگاه گه ییتیب کیلگن لر اولر حاضر ییگولیک آذوقه گه جدی احتیاج لری بارلیگی تیلگه آلینماقده.

منطقه ده گی بی بی سی مخبری گه کوره افغانستان دولتی عصیانچی لرهجومی نینگ آلدینی آلیش اوچون منطقه گه قوشیمچه کوچ سفربر ایتگن.

پاکستان بیلن چیگره داش بولگن افغانستان جنوبیده جایلشگن هلمند ولایتی ناتینچ ولایت لردن حسابلنه دی. شونینگ دیک بو ولایت نینگ ایریم حدودلریده طالبان ومخدره ماده قاچاق چیلری فعال بولگن.