تیفا: ایکینچی دور سیلاوده بیرینچی دور دیک مردم اشتراک ایتمه گن

افغانستانده گی شفاف سیلاو جمغرمه سی ایکینچی دور سیلاوده بیرینچی دورسیلاو دیک مردم اشتراک ایتمه گنینی ایتیب، همده نامزدلروسیلاو کمیسیونلری آره سیده پیدا بولگن ایشانچ سیزلیک لر سیلاو نتیجه لریگه منفی تاثیر قالدیریشینی تاکیدله گن.

شونینگدیک بو تشکیلات، بیرینچی دور گه قره گنده ایککینچی دور سیلاوگه اشتراک چیلر سانی آز بولگنینی تاکیدله گن.

تیفا جمغرمه رییسی نعیم ایوب زاده ، بو در سیلاوده آلتی میلیون نفر اشتراک ایتگن بولیشی ممکن لیگینی تیلگه آلدی. بیراق افغانستان سیلاو کمیسیونی تخمین لرگه بنا اشتراک چیلر سانی یتتی میلیون دن ارتیق دیه اعلان قیلگن ایدی.

ایککینچی دور سیلاو نامزدی عبدالله عبدالله کمیسیون نینگ بو اظهاراتینی قتیق قاره لب سیلاو جریانیده کینگ قلاب لیک یوزبیرگنینی ادعا قیلگن ایدی.هرچند او رایلرنی سنش جریانینی توخته تیلیشینی طلب قیلدی اما کمیسیون اونینگ بو طلبی گه رد جواب بیردی.

عینی حالده تیفا جمغرمه سی سیلاو جریانیده یوزلب قلابلیک یوزبیرگنی باره سیده خبربیردی.

جمغرمه حسابتیگه کوره ، رای صندوقلری انیق بیر نامزد منفتی گه تولدیریلیشی ، قانونی یاشینی تولدیرمه گنلرنینگ اواز بیرییشلری، بویاق صفتی یخشی بولمه گنی و نامزدلر طرفدارلری اره سیده هم توقنه شوولر روی بیرگن.

افغانستان ده گی شفاف سیلاو ( تیفا) جمغرمه سی مملکت نینگ 34 ولایتیده توقیزمینگه یقین کوزه توچینی وظیفه لنتیریب سیلاوجریانینی نظارت قیلگن.

مستقل سیلاوکمیسیونی بوگون مطبوعات انجمنی اوتکزیب ایرته گه قدر برچه ولایت لردن سیلاو نتیجه لری مرکزگه ییتکزیلیشینی ایتدی.

همده بو کمیسیون بوگون رای ورقلری نینگ تیکشیریش جریانینی باشله دی. سیلاو کمیسیون رییسی یوسف نورستانی معیاری خریطه لرگه ماس بولمه گن رای قاغذلری باطل قیلینیب ویاهم قیته سنلیشی ممکن لیگینی تیلگه آلدی.