کرزی امرخیل استعفابیرگنی نی سیلاوجریانی عادی حالت گه دوام ایتیشی اوچون آلقیشله گن

Image copyright Reuters

افغانستان جمهور رئیسی حامد کرزی سیلاولر مستقل کمیسیونی دارالانشا رئیسی ضیاوالحق امر خیل نینگ استعفا بیریشی نی آلقیشلب امرخیل بوایشی بیلن سیلاوجریانی عادی حالتگه ایله نیب دوام ایتیشی نی ایتگن.

عین حالده سیلاولر مستقل کمیسیونی عبدالله عبدالله دن سیلاوقانونی نی رعایت ایتیب واوزکوزه تووچی کیشی لرینی سیلاو جریانی نی نظارت ایتیش اوچون آوازییغیشتیریش مرکز یگه جونه تیشی نی طلب قیلماقده.

اما عبدالله جنابلری نینگ سیلاوتیمی گه کوره سیلاولرمستقل کمیسیونی نینگ بی طرف لیگی باره سیده ایشانچی کامل بولمسه سیلاونتیجه لرینی قبول قیلمس لیگی ممکن.

عمر خیل جنابلری استعفا بیریشی آرتیدن افغانستان جمهور رئیسی مناسبت بیلدیریب اوایسه امرخیل تمانیدن آلینگن بو قرارنی خوش قرشی له شی نی اعلان ایتگن. کرزی جنابلری بوقرار سبب سیلاوجریانی نورمال حالتی گه دوام ایتیشی نی بیلدیرگن.

جمهور رئیسی سرایی تمانیدن نشر ایتیلگن بوبیاناتده کرزی دن اقتباس قیلیب ایتیلیشیچه قسم یاد مراسمی کوزلنگن وقتده یعنی کیلگوسی 11اسد گچه سیلاوجریانی قانون گه برابراوز مدتی گه قدر شفافلیک بیلن آلغه آلیب باریلیب عملگه آشیریلیشی لازم.

بیرلشگن ملت لرتشکیلاتی نینگ افغانستانده گی وکالتخانه سی یوناما نامزدلردن سیلاواداره لری بیلن همکارلیک قیلیب وبوکمیسیون لرآلگن قراریگه حرمت کورسه تیش لری طلب قیلینگن.

یونیما بیاناتیده عبدالله جنابلری اوتگن کیچه کمیسیون مسووللری بیلن اوچره شیب وایریم موضوع لر حقیده صحبت قیلگنی کیلتیریلگن.

بو تشکیلات افغان لرتمانیدن باشقریله یاتگن جریانگه یاردم بیریشینی تاکیدلشگن.

بومناسبت لریانیده عبدالله عبدالله ، بیرلشگن ملت لر تشکیلاتی وسیلاولر مستقل کمیسیونی اورته سیده یاپیق ایشیک لرآره سیده صحبت لر دوام ایته یاتگنی هم ایتیله دی. اما کوریلیشیچه بولیب اوتگن بو اوچره شوولرعبدالله جنابلری نی هلی هم راضی لشتیره آلمه گن.

سیلاولر مستقل کمیسیونی نینگ سوزچیسی نورمحمد نور بو صحبت لرنی تصدیقلب اما اوعبدالله جنابلری نینگ سیلاوتیمی سیلاومرکزلریگه قیتیشیگه امید قیلماقده."سیلاومستقل کمیسونی نی طلبی داکتر عبدالله عبدالله جنابلری دن شو کی امضاله گن اصلنی رعایت ایتیب بویسونیشی لازم، بحث لر اوتکزیلسین جریاننی نظارت ایتیب توریش اوچون تیزلیکده اوزسیلاوتیمی گه باغلیق اعضالرینی جونتیشگه امید قیله میز" دییدی سیلاولرمستقل کمیسیونی سوزچیسی نورمحمد نور

عبدالله جنابلری نینگ سیلاو تیمی گه کوره سیلاولر مستقل کمیسیونی بیلن علاقه لری وقتینچه لیک توخته تیلیشی باره سیده آلگن قرارلری هلی هم اوزگرمی و بو کمیسون ایشی هم اعتبارلی ایمس.بو حقده عبدالله عبدالله جنابلری نینگ سوزچیسی لریدن فضل الرحمن اوریا"امرخیل نینگ بیراستعفا بیریشی ییترلی ایمس، بلکی محکمه بولیشی کیره ک، اوستیدن تیکشیروو اوتکزیلیسن، اونینگ برطرف ایتیلیشی مهم طلبلریمیزدن بولمه گن، امرخیل برطرف ایتیلیشی بومعناده ایمس بیز یوزبیرگن تقلبنی اونوتسک، صندوقلرنی تولدیریلگنی نی اونوتسک، سیلاوتقدیربیلن اویون بولگنی نی ایسدن چیقرسک، بیزلرنینگ ایشانچیمیزنی قولگه کیلتیرگونچه سیلاولرمستقل کمیسیونی ایشلری اعتبارلی ایمس" دییدی عبدالله عبدالله سوزچی لریدن فضل الرحمن اوریا

اما اشرف غنی احمد زی سیلاو تیمی اعضالریدن حمیدالله فاروقی امرخیل جنابلری نینگ استعفابیریشی باره سیده مناسبت بیلدیریب عبدالله جنابلری باشقه بهانه قیلمسدن سیلاوجریانی گه قوشیلیب نتیجه لرنی قبول قیلیشی نی تیلگه آلدی.اوکمیسیون دن تیزلیکده سیلاو نتیجه سینی اعلان قیلیشی نی سوره دی."اولرتاماندن اوتکزیله یاتگن بحث عامه فکرینی چلغیتیش اوچون وسیلاونینگ اعتباری تهدید قیلیش وشفاف لیگی نی سوال آستیده قوییش بولگن. تحول وتداوم تیمی سیلاولر مستقل کمیسیونیدن سیلاونینگ قسمی نتیجه لرینی کیچیکتیرمسدن اعلان ایتیشی نی التماس قیله دی، بونی خلق اینتیقلیک بیلن کوتیب توریبدی" دییدی فاروقی جنابلری

اما سیلاگه عاید یوزه گه چیققن بوجنجللر ایسه افغان لر حیات ترتیبی نی بوزیب اهالی بو وضعیت دن چیقیب عادی حیاتگه قیتیش اوچون سیلاونتیجه لرینی اعلان ایتیلیشی نی اینتیق لیک بیلن کوتماقده لر.