اسلام کریموف نیبره سی: "بابام نی کیمدیر باشقره یپتی"

Image copyright BBC World Service

روسیه نینگ آر ای ان تی وی کانالیده نمایش قیلینگن کورستووده اوزبیکستان جمهور رییسی اسلام کریموف نینگ نیبره سی اسلام کریموف اوزی و آنه سی جمهور رییس نینگ عایله سیدن قنده ی چیتله نیب قوییلگنی و آنه سی یوز توته یاتگن معمالر حقیده سوزلب بیرگن.

بو اوزبیکستان جمهور رییسی نینگ تونغیچ نیبره سی ـ 22 یاشلی اسلام کریموف نینگ ایلک صحبتی دیر. آر ای ان تی وی باشلاوچیسیگه کوره، جمهور رییس نینگ نیبره سی اوزی اولرگه صحبت تکلیفی بیلن چیققن. بیراق نیمه اوچون اونینگ روسیه تلویزیونینی تنله گنی آچیقلنمه دی.

صحبت نی لندن ده اوتکزگن "نیدیلیه" دستوری باشلاوچیسی مرینه مقصومووه نینگ ایتیشیچه، یاش اسلام کریموف حاضرده"آکسفورتده گی یونیورسیتلریدن بیریده" تعلیم آلماقده و اوقیشگه تن قوریقچیلری بیلن قتنه یدی.

صحبت باشیده اسلام کریموف اوز آنه سی گلناره کریمووه نی جاری ییل نینگ جنوری آیی آخرلری و فیبروی آیی باشلریده کورگنینی ایته دی.

" او بیلن علاقم چیگره لنیب کیتگن. کوپ تفصیلاتلرنی بیلمه ی من. لیکن، انیق بیله من که، اونی و سینگلیم نی اویدن هم، مملکتدن هم چیقریشمه یپتی. سینگلیم حتی بو ییرده گی (بیریتانیاده گی) اوقیشیگه قیته آلمه دی" ، ـ دییدی او.

خبرلرگه کوره، گلناره کریمووه و اونینگ قیزی ایمان بیر نیچه آیدن بیری تاشکینتده گی او حبسیده سقلنماقده. کریمووه خانم نینگ اوزبیکستانده گی بیزنیس منفعتلریگه علاقه دار قطار شریکلری حبسگه آلینگن. بیراق، گلناره کریمووه گه قرشی عیبلاو اعلان قیلینمه گن.

Image copyright BBC World Service
Image caption یاش اسلام کریموف نینگ صحبت دوامیده بیلدیریشیچه، آنه سی و باباسی اوریشیب قالیشمه گن، و اونینگ فکریده، بو ایشلر "کوپراق او بیلمه گن حالده یوز بیره یپتی".

یاش اسلام کریموف نینگ صحبت دوامیده بیلدیریشیچه، آنه سی و باباسی اوریشیب قالیشمه گن، و اونینگ فکریده، بو ایشلر "کوپراق او بیلمه گن حالده یوز بیره یپتی".

او کیم یا نیمه اوچون آنه سیگه قرشی تعقیبلرنی باشله یاتگنینی انیقله مه یدی. گلناره کریمووه اوزی گه قرشی تعقیبلر باشلنگنیده، قطار دولت رسمیلری و اوزبیکستان ملی خوفسیزلیک خذمتی رهبری رستم عنایتووف گه قرشی عیبلاولر بیلن چیقیشدن تشقری، اوز آنه سی تتینه اکبریووه و اوز سینگلیسی لاله کریمووه ـ تیله ووه گه قرشی جدی دعوالرنی قیلینگندی.

یاش اسلام کریموف صحبتده بو عایله وی نزاع گه آیدینلیک کیریتیشدن باش تارتدی.

یاش کریموف آنه سی و سینگلیشی اویدن و مملکتدن چیقه ریلمه ی یاتگنینی ایته دی.

"آنم بو آدملرگه نسبتآ نیمه لر حس قیله یاتگنینی مین شرح له ی آلمه ی من، لیکن، ایتیشیم ممکن که، علاقه لریمیز یخشی ایمس"، ـ دییدی او.

Image copyright BBC World Service
Image caption یاش کریموف اوز بابه سینی اوتکن ییلدن بیری کورمه گنینی ایتدی.

او آنه سی نینگ اوی حبسی و طبی معالجه سینی دوام ایتیریش امکانیتلری چیکله نیب قاله ویرر ایکن، قنده ی دیر تیرگاو اوتکزیلیشی و " بو ایشلر آرتیده کیم تورگنی" نی انیقلش لازم بولیشینی ایتدی.

لیکن، یاش اسلام کریموف نینگ ایتیشیچه، آنه سیگه قرشی تعقیبلر کیلگوسی ییل اوزبیکستانده بولیب اوتیشی مولجللنگن جمهور رییسلیک سیلاولری بیلن باغلیق.

" کیم یا نیمه بونی باشقره یاتگنی باره سیده بیز انیق بیر خلاصه قیله آلمه ی میز، لیکن ایتیش ممکن که، بو ادم مملکتده کته موقع گه ایگه. بو ایشلر ایته یلب، کیلگوسی ییل سیلاولری آلدیدن موازینت نی بوزیش اوچون قیلینماقه"، ـ دییدی او.

تعقیبلردن اول گلناره کریمووه اوزبیکستان جمهور رییسی نینگ احتمالی میراث خورلری دیب کوریلردی. کریمووه خانم نینگ اوزی هم جمهور رییسلیک کرسی سیگه دعوا قیلیشیگه اشاره قیلگن.

باباسی اوز قیزی و نیبره لری احوالیدن قنچه لر خبردار ایکنی سوره لگنده، یاش اسلام کریموف اوز باباسینی کیم دیر باشقره یاتگنینی ایتدی.

"کیمدیر آنم نی، و بابام نی چیتدن باشقرماقچی بوله یپتی. و اولرنی بیر ـ بیریگه قرشی قویماقچی بوله یپتی. بیزنینگ دشمنیمیز بیز حقیمیزده بابامگه ناتوغری معلومات ییتکزگن بولیشی ممکن. اگر مین او بیلن علاقه گه کیریشگه موفق بولسم، یاکه او بو کورستوونی اوزی کورسه، او اوزیگه یره شه خلاصه چیقه ریب، وضعیت نی اونگله یدی"، ـ دییدی او.

یاش کریموف اوز باباسینی کوپ وقتلردن بیری کورمه گنینی ایته دی.

یاش اسلام کریموف آنه سی بیلن بیرگه اوزی هم اوز جانیگه قیلینگن سوءقصد حرکتیدن آمان قالگنینی دعوا قیلدی.

"بو ایککی ییلچه اول صادر بولدی. آنم نی زورغه سقلب قالیشدی. مینی کمراق زهرلنیشگن ایکن، و مینینگ اورگانیزم یاش ایکنی حسابگه آلینسه، مینگه اونینگ تاثیری کمراق بولدی. لیکن، ایککیمیز هم معالجه دن اوتدیک، مین بیر یریم ییل، آنم ایسه هلی هم معالجه آله یپتی. اخرگی معلوماتلرگه کوره، آنم شو معالجه اوچون ضرور بولگن داری ـ درمانلرنی آلالمه یپتی"،ـ دییدی او.

جمهور رییس نینگ نیبره سیدن اونینگ دبدبه لی حیات کیچیریشی حقیده گی دعوالرگه مناسبتی سوره لگنده، او قتیق قول آنه تربیه سی بیلن اوسگنینی ایتدی.

"بیرینچیدن، مینده هیچ قنده ی موترلر کالیکس بولمه گن. ایککینچی دن، مینینگ آنم جوده قتیق قول آدم. اول بونی توشونمسدیم، لیکن حاضر اوندن جوده منتدارمن. مین هیچ قچان اوزیم نی "آلتین یاشلر" اولادی اعضاسی دیب حسابله مه گن من"، ـ دییدی او.

بیریتانیاده قنده ی کون کیچیره یاتگنی حقیده سوره لگنده ایسه، او مالیوی معمالرگه یوز توتمه یاتگنینی بیلدیردی.

"مالیوی جهتدن، آنم مینگه ساوغه قیلگن پول مقداری بار. اوقیش و یششدن تشقری مینده حاضر کتته خره جتلر یوق، شونده ی ایکن مینده مالیوی معمالر یوق"، ـ دییدی او.