افغانلر الکترونیکی تذکره گه ایگه بولیشه دی

ایکی ایش بیر زمانده، جمعیت سانینی سنش و الکترونیکی تذکره ترقه تیش، الکترونیکی تذکره ترقه تیش اداره ایشچیلری، بو ایکی ایشنی عملی قیلیش اوچون آهالی نینگ ایشیگی گه مراجعت ایته دی .

بو اداره ایشچیلریدن کوپراغینی تحصیل آلگن یاشلر تشکیل بیره دی اولر ایسه هرکونی کمیده بیرمینگ و بیش یوز نفرنی رویخط دن اوتکزه دیلر.

الکترونیکی تذکره اداره مسووللریدن احمد خالد وقار نینگ ایتیشچه الکترونیکی تذکره ترقه تیش پروسه سی نینگ بیرینچی باسقیچی پایتخت کابلده باشلنگن. کیله جک بیش ییل جریانیده افغانستان بویلب عملی بولیشی ریجه لشتریلگن.

وقارجنابلری نینگ ایتشیچه بیرینچی بار الکترونیکی تذکره جمهوررییس گه بیریلیشی بیلن بو دستوری رسمی شکلده باشلنه دی.

Image caption الکترونیکی تذکره اداره مسووللریدن احمد خالد وقار نینگ ایتیشچه الکترونیکی تذکره ترقه تیش پروسه سی نینگ بیرینچی باسقیچی پایتخت کابلده باشلنگن

یوزبیرگن اوچ اون یللیک اوروشده افغانلر معتبر کیم لیک حجتی گه ایگه بولمی نیچه باسقیچ ده تورلی بویاق تذکره لر اهالیی گه ترقه تیلدی، همده قاغذی بو تذکره لردن کوپچلیک افغانلر ساخته تذکره لر توزه تدیلر.

الکترونکی تذکره ترقه تیش خادملری بیلن اویگه بارگن شخص لردن بیری کابلیک وحیدالله اصفری او ایسه بو جریان دن جوده هم خرسند:"کوپ یخشی مملکتی میز اوروشده ایدی ، حاضر خداگه شکربیراز تینچلیک کیلگن، الکترونیکی تذکره ترقه تیلیشی بیرتاماندن مملکت ترقیاتینی کورسه ته دی باشقه تاماندن، کیملیگی میز یخشی انیق لنه دی، افغانستان دشمنلری کیم لیک حجت لردن سوی استعمال قیلیب برچه جریان لرگه اره لشه المیدیلر."

Image caption وحیدالله اصفری : الکترونیکی تذکره ترقه تیلیشی بیرتاماندن مملکت ترقیاتینی کورسه ته دی باشقه تاماندن، کیملیگی میز یخشی انیق لنه دی

رویخط گه آلیش نهای تاپگنیدن سونگ، فورمه لر مرکزگه الیب کیلینیب سیستم گه کیرتیله دی، شونینگدیک کیم لیک حجت اله دیگن شخص نینگ برماق نشانه سی ، بیومتریک دیجتالی صورتی الکترونیکی تذکره گه درج قیلینه دی.

بو خصوصیت لر ایسه مخابرات وزیرلیگی نینگ معلوماتی بانکی گه کیرتیله دی / مذکور بانک ایسه مخصوص انترنیت ترماغی آرقه لی ایچکی ایشلر وزیرلیگی و رویخط گه الیش مرکزلری بیلن باغلیق بولگن.

الکترونیکی تذکره ترقه تیش اوچون پایتخت کابلده اون مرکز اچیلگن، نیچه هفته دن بیر ایشلر شدت بیلن دوام ایتیب کیلماقده. هرعایله نوبت اساسیده سیستم گه کیرتیله دی.

ایچکی ایشلر وزیرلیگی گه تیگیشلی چاپ ماشین لری هم الکترونیکی تذکره ترقه تیش تیزمی بیلن باغلیق؛ رویخط گه الیش جریانی تولیق عملی بولیشی بیلن الکترونیکی تذکره لر بو ماشین لر ارقه لی چاپ ایتیله دی. اوندن کیین کیم لیک حجت لر رویخط گه الیش مرکزیگه آلیب باریلیب عایله لرگه ترقه تیلیشی ممکن.

الکترونیکی تذکره ترقه تیش دستوری 120 میلیون امریکا لیک دالر هزینه کوتاریب، دستور نینگ عملی قیلیش اوچون قریب مینگ کیشی ایشگه آلینگن. معلومات لرگه کوره، کیله جک بیش ییل ایچیده برچه افغانلرگه الکترونیکی تذکره ترقه تیلیشی ریجه لشتیریلگن.

بوندن قریب بیرییل الدین الکترونیکی تذکره ترقه تیش دستوری باشله نیشی باره سیده خبر بیریلگن ایدی، لیکن بوخصوصده گی قانون قطار جنجاللر بیلن پارلمان تامانیدن تصدیق لندی. تذکره ده قوملر اتی کیرتیلیش وکیریتیلمسلگی جدی مخالفت لرگه سبب بولگن ایدی. ایریم ملت وکیللری هرقوم اتی کیرتیلیشینی طلب قیلیب ایریم لرهم فقط افغان کلمه سی ذکر بولیشینی تکلیف قیلرایدی.

اما پارلمان قراری اساسیده الکترونیکی تذکره ده فقط " جمهوری اسلامی افغانستان " یازیلیشی تصدیق لندی.