عبدالله سیلاوتیمی: سیلاوکمیسیونلرقرارلرینی قبول قیلمه یمیز

Image copyright AP

عبدالله عبدالله نینگ سیلاو تیمیگه کوره، سیلاو جریانی گه قوشیلیشلری اوچون ایلگری سوریلگن تکلیف لر یگه سیلاو کمیسیونلری منفی جواب بیرگن، شوباعث بو تیم مسووللری ایککی کمیسیون قرارلرینی قبول قیلمسلیگینی اعلان قیلدی.

عینی حالده عبدالله عبدالله سیلاو تیمی بوندن بویان یوزبیره دیگن هرقندی وضعیت ایککی کمیسیون اینیقسه جمهوررییس ذمه سیگه ایکنینی اورغوله دی.

حال بوکی افغانستان سیلاو مستقل کمیسیونی تامانیدن چهارشنبه کونی سیلاو نینگ دستلبکی نتیجه سی اعلان ایتیلیشی کوتیله دی.

بگون مطبوعات انجمنی اویوشتیرگن عبدالله عبدالله نینگ سیلاو تیم مسووللریدن بریالی ارسلای ینه بیر بار ایککی کمیسیون نی هم بیطرف بولمه گنیگه عیبلب چیقدی:"بیزنینگ نظارتچیلری میز وکیللری میز حضور سیزلیگی بیلن کمیسیون اوز ایشلریگه دوام بیرماقده، تیمی میز بعضی بیر ولایت لرده کینگ قلاب لیک یوزبیرگنی قیته سیلاو اوتکزیلیشی نی طلب قیلدی.لیکن سیلاو کمیسیونی بونگه رد جواب بیردی. شو اساسده بوگون دن باشلب سیلاو کمیسیونلری فعالیتی قانونی بولمی و اولرتامانیدن چیقه ریلگن نتیجه نی هم قبول قیلمی میز."

بوندن بیرکون آلدین مستقل سیلاو کمیسیونی عبدالله عبدالله سیلاو تیمی تامانیدن ایلگری سوریلگن شرطلر عملگه آشیریلگنی باره سیده خبر بیرگن ایدی.."کمیسیون نظریدن عبدالله عبدالله تیمی تامانیدن ایلگری سوریلگن شرط لردن بیرینچی سی، امرخیل نینگ برطرف ایتیلیشی ایدی، بوبولدی، ایکینچییسی سیلاوده اشتراک چی لرسانی ایدی، کمیسیون 7میلیوندن آشه دیب اعلان قیلگن ایدی، یازمه شکلیده ییترلیچه شرح بیریلدی، واوچینچی شرطلری هم ولایت مقیاسیده قنچه سیلاوچی بولگنی ایدی، معلومات بیریلدی، بوباره ده هم ایشانچ بیریلدی. باشقه هیچ بها نه قالمه گن، عبدالله جنابلری نینگ تیم لری تیزلیکده سیلاوجریانیگه قوشیلیب سیلاوکمیسیونی قرارلرینی قبول قیلسین"

عینی حالده پکتیکا ولایتی نینگ ولایت حاکمی سیلاو گه عاید اونگه نسبت بیریلگن آواز فایلینی ساخته بولگنینی ایتگن. همده خوست ولایتی نینگ ولایت حاکمی محیب الله صمیم سیلاو جریانیگه مفنی تاثیر قالدیره دیگن شوندی ساخته اوازلر نشر ایتلیشی الدی آلینیشی نی طلب قیلگن.بوندن بیرکون الدین عبدالله عبدالله تیمی پکتیکا حاکمی گه عاید دیب ادعا قیلینگن بیر اواز فایلینی نشر ایتگن ایدی. نشر ایتیلگن بو فایلده قلاب لیک لر باره سیده جناب حاکم و سیلاو مستقل کمیسیون نینگ سابق دارالانشا رییسی ضاوالحق امرخیل بیلن صحبت قیلگنی کورسه تیلگن.