جمهوررییسلیک سیلاو نتیجه لرینی اعلان ایتیلیشی کیچیکتیریلدی

Image copyright AP

افغانستان مستقل سیلاوکمیسیونی گه کوره،مملکت بویلب 1900 محل آوازلرینی قیته کوریب چیقیش جریانی دستلبکی نتیجه نی ریجه لنگن وقتیده اعلان ایتیلمسلیگیگه سبب بولگن. سیلاو کمیسیون اعضالری تامانیدن اوتکزیلگن فوق العاده یغینده بوقرار آلینگن.

کمیسیون تقویمی اساسیده ایککینچی دور جمهوررییسلیک سیلا و نینگ دستلبکی نتیجه سی ایرته اعلان ایتیلیشی کوتیلرایدی.

اوشبو کمیسیون اعضالریدن شریفه وردک زرمتی افغانستان بویلب قریب 2000 محل رایلرینی قیته کوریب چیقیش دستلبکی نتیجه نی کیچیتریلیشیگه سبب بولگنینی ایتدی:"ایککی مینگ محل اوازلرینی کوریب چیقیش جریانی ینگی باشلندی، بوجریان حقیقی رایلرنی غیر حقیقی رایلردن اجره تیش اوچون یولگه قوییلگن. کوریب چیقیش جریانی یکون تاپیشی بیلن خدا خواه لسه دستلبکی نتیجه یقین زمانده اعلان بوله دی"

شونینگ دیک خانم زرمتی سیلا و شفاف لیگی اوچون بوقرار الینگنینی تیلگه آلیب قریب ایککی مینگ محل رایلرینی قیته کوریب چیقیش جریانی کمیده اوچ کون وقت الیشی مملکن لیگینی تاکیدله دی.

سیلاو کمیسیون مسووللریگه کوره، دستلبکی نتیجه کیچیکتیریلیشی نهای نتیجه گه هیچ قندی تاثیر قوییمی سرطان ای نینگ 31- سیده اعلان ایتیلیشی ممکن.

عینی حالده خانم زرمتی محل اوازلرینی کوریب چیقیش مساله سی سیلاو نتیجه سی گه تاثیرقالدیریشی ممکن لیگینی ایتدی.

ایتیلشیچه سیلاو بحرانی گه ایچیم یول تاپیش اوچون بیرلشگن ملتلر تشکیلاتی نینگ آلیب بارگن سعی وحرکت لر ی دستلبکی نتیجه نی کیچیکتیریلیشیگه سبب بولگن، اما سیلاو مستقل کیمسیونی بومساله نی مطلق ردایتدی.

اشرف غنی احمدزی سیلاو تیم سوزچیلریدن طاهر زوهیر کیله جک کونلرده جمهوررییس بیرینیچی اورین باسری محمد یونس قانونی واسطه چیلیگی بیلن ایککی نامزد اره سیده صحبت لر بولیب اوتیشگه امید بیلدیردی:"بو ملاقاتده صحبت آجنداسی و مکانینی تعین لش اوچون صحبت لر بولدی، بو اولتیریش اساسیده کیله جک کونلرده داکتر عبدالله عبدالله و اشرف غنی احمدز اره سیده سیلاوگه عاید معمالر محاکمه ایتیلیشگه امیدوارمیز."

المان تشقی ایشلر وزیرلیگی بیر خبرنامه ترقه تیب اوشبو مملکت نینگ افغانستانده گی وکیل مایکل کوچ سیلاو گه عاید معمالرگه ایچیم یول تاپیش اوچون ایککی نامزد بیلن هم اوچره شگنی نی ایتگن.

آلمان وکیلی مایکل کوچ ایککی نامزد موجود فرصتلردن فایده له نیشی ضرور لیگینی تیلگه آلگن. همده مملکت ثبات سیزلیگی و طالبان گه فرصت یره تیب بیریشگه سبب بوله یاتگن هرقند ی حرکت لردن قول تارتیشلری کیره ک لیگینی نامزدلردن طلب قیلگن.