اروپا اتفاقی: تقلب حاللری جدی کوریب چیقلسین

Image caption برمان جناب لرنینگ ایتیشیچه اولرنینگ کوزه توچی لری سیلاو لرجریانیده نظارتنی کوچی تیرگن.

اروپا اتفاقی نینگ کوزه توچی لر هئیتی ایککینچی دور سیلاو لر جریانیده ساخته کارلیکلر نینگ روی بیرگنی خصوصیده بیان ایتلگن ادعا لردن خواطر اظهار قیلگن.

اوشبو هئیت باشلیغی تایس برمان گه کوره سیلاو لرده کی تیم لر تمانیدن قیلنگن ادعالر و شونگه اوخشش مستقل سیلاو کمیسیوندن آلینگن معلومات لرگه کوره ۶ مینگ آواز بیریش محللریده ایرم قیینچلیکلر روی بیرگن.

اونینگ ایتیشیچه بو رقم ۲۳ مینگ محلگه یتیشی ممکن شوباعث هم بو مشکللر جدی بیرشکلده تیکشیرلیب چیقیشی کیرک.

برمان جناب لرنینگ ایتیشیچه اولرنینگ کوزه توچی لری سیلاو لرجریانیده نظارتنی کوچی تیرگن.

اروپا اتفاقی افغانستان نینگ اوچینچی جمهور رئیس لیک سیلاو لرینی نظارت قیلیش اوچون ۱۵ ناظرنی کابل، بلخ و هرات ولایت لریده یوبارگن ایدی.

برمان جنابلریگه کوره سیلاو لرگه عاید بحرانگه ایچیم یولینی تاپیش اوچون اروپا اتفاقی نینگ نماینده لری مستقل سیلاو کمیسیونی و سیلاو نامزد لری بیلن ایرم اوچره شو لرنی یولگه قویگنینی معلوم قیلگن.

عینی دمده او اروپا اتفاقی ناظر لرنینگ افغانستان سیلاو لری جریانیده بی طرف بولگنینی تاکید له گن .

اوعینی پیتده سیلاو نتیجه لرنینگ اعلام ایتلیشینی کیچیکترلیشنی آلقیش له گن .

ایککینچی دور سیلاو نینگ دستلبکی نتیجه سی اون بیرینچی سرطان کونیده اعلام ایتلیشی کوتلردی بیراق مستقل سیلاو کمیسیونی باشلیغی احمد یوسف نورستانی سیلاو شفاف لیگی اوچون سیلاو نتیجه لرنینگ اعلام ایتلیشی نینگ کیچیکتیرلگنینی ایتگن.

اونگه کوره سیلاو نتیجه لری کیله سی دوشنبه (16 ینچی سرطان ) کونی اعلام ایتله دی .

نورستانی جناب لرنینگ ایتیشلریچه افغانستان نینگ اوتیز ولایتده گی ۱۹۳۰ آواز بیریش محل

لرنینگ آواز لری قیته کوریب چیقلمه گونچه دستلبکی نتیجه لر اعلام قیلنمیدی.