کابل هوا قونالغاسی راکت بیلن هجومگه توتیلدی

Image copyright AP

کابل پلیس اداره سی نینگ ایتیشیچه، بو راکت اوقلری خلق ارا کابل هوا قونالغاسی و هوای کوچ آره سیده جایلشگن حربی هوا قونالغاسیگه کیلیب توشگن.

کابل پلیس اداره سی سوزچیسی حشمت الله ستانکزی بی بی سی بیلن بولگن صحبتیده احتمالی تلفات و زیان باره سیده معلومات یوق لیگینی تیلگه آلیب قیسی منطقه دن هوا قونالغاسی نشانگه الینگنی هم معلوم ایمس لیگینی ایتدی.

شونینگ دیک پلیس اداره سی راکت کیلیب توشگن محل ده یانغین یوزبیرگنیدن خبربیرگن.

کابل حربی هوا قونالغاسیدن افغانستان اردو کوچلریگه تیگیشلی تیک اوچرلر فعالیتی اوچون فایدله نیله دی وایساف کوچلری نینگ حربی مرکزلریدن بیری هم مذکور حربی هوا قونالغا یقینیده جایلشگن.

کابل هوا قونالغاسی مملکت نینگ ییریک هوا قونالغاسی بولیب اوتمیشلرده هم نیچه بار راکتی هجوملرگه گواه بولگن. بوکبی هجوملر ایسه ایریم تشویش لرنی توغدیرگن. اوتگن کون هم پایتخت کابلده انتحاری هجوم یوزبیردی اوشبو هجومده مدافعه وزیرلیگی ایشچیلردن سککیز نفر اولیب او 13 نفرهم یره لندی. بوحادثه قربان لریدن اکثریتی هوای کوچ ایشچیلری بولگنی تصدیق لندی.