جمهور رئیس لیک سیلاو لری نینگ دستلبکی نتیجه لریگه کوره، اشرف غنی احمدزی آلدینده

افغانستان مستقل سیلاو کمیسیونی سیلاو لرنی دستلبکی نتیجه سینی اعلام قیلدی. اعلام ایتلگن نتیجه گه کوره اشرف غنی احمدزی ۵۶.۴۴ فایز آوازنی قولگه کیرتیش بیلن برینچی اورین و ۴۳.۵۶ فایزآواز بیلن عبدالله عبدالله ایککینچی اوریننی قولگه کیرتگن

افغانستان مستقل سیلاو کمیسیونی باشلیغی یوسف نورستانیگه کوره سیلاو لرده 8 میلیون دن کوپراق شخص اشتراک ایتگن. بو لردن 38 فایزینی عیاللر و 62 فایزینی ایسه ایرکک لر تشکیل بیره دی .

یوسف نورستانی گه کوره ۸ میلیون آوازدن اشرف غنی احمد زی ۴۴۸۵۸۸۸ (۵۶.۴۴ فایز) آواز و عبدالله عبدالله ایسه ۳۴۶۱۶۳۹ (۴۳.۵۶ فایز) آوازنی قولگه کیرتگن.

عینی دمده نورستانی جنابلری سیلاو لر جریانیده ساخته کارلیک لرنینگ روی بیرگنینی تصدیق لب ایرم حاللرده خوف سیزلیک کوچلری، محلی حاکملر و هر ایکله نامزد نینگ ناظرلر سیلاو لرجریانیده ساخته کارلیک لرگه قول اورگن دیب معلوم قیلگن.

عبدالله عبدالله سیلاو جملاغی مستقل سیلاو کمیسیونی تمانیدن اعلام ایتلگن دستلبکی نتیجه لرنی رد ایتگن. بوندن بیرکون اول سیلاو نامزد لریدن عبدالله عبدالله حقیقی آواز لرنی ساخته آواز لردن اجره تیلمه گونیچه سیلاو نتیجه لرنینگ قبول قیلمسلیگنی ایتگن ایدی.

عبدالله عبدالله جنابلری رقیب سیلاو تیمنی آلدین دن ریجه لنگن ساخته کارلیک لرده قول اورگن دیب ادعا قیلگندی. او عینی دمده ایککی میلیون گه یقین شبهه لی آواز لرنی قیته کوریب چیقیلیشنی طلب قیلگندی .

بیراق اشرف غنی احمدزی نینگ سیلاو جملاغی اولرگه بیرلگن آواز لرنینگ حقیقی بولگنی و نتیجه لرنینگ آلدین دن تعین ایتلگن زمانده اعلام ایتلیشنی تاکید لب کیلگن.

حمل آی نینگ اون آلتینچی سیده یولگه قوییلگن بیرینچی دور جمهور رئیس لیک سیلاو لرده عبدالله عبدالله ۴۵ فایز آواز بیلن بیرینچی اورین و اشرف غنی احمدزی ۳۱.۵۶ فایز آوازنی قولگه کیرتیش بیلن ایککینچی اوریننی قولگه کیرتگن ایدی.

دستلبکی سیلاو نتیجه لرنینگ زمانیده اعلام ایتلمسلیگی بیلن هر ایککی پیدا بولگن سیلاو معمالریگه برهم بیریش اوچون مذاکره لرنی یولگه قویگندی لر . سونگی کیلیشوگه کوره ییتی مینگ آواز محل لری نینگ رای قیته کوریب چیقله دی. بیراق عبدالله عبدالله تمانی اون بیر مینگ آواز محللر نینگ رای لرینی قیته کوریب چیقیشنی طلب قیلگن. اشرف غنی احمدزی تیمی ایسه عبدالله عبدالله تیمی نینگ بو طلبینی رد ایتگن .

سیلاو لرنینگ نهایه نتیجه سی سرطان آی نینگ ۳۱ سیده اعلان ایتلیشی کوتله دی .