ظهیراحمد اوکتای خالقی: یاندی تبعیض اوتیگه بو ملت بیچاره میز

رحمتلی عبدالخالق پیلوت اوغلی، ظهیراحمد"اوکتای خالقی"1374 هـ.ش ییلگه فاریاب ولایتی مرکزی میمنه شهریده دنیاگه کیلدی. اوکتای تورت یاشیده گینه یاق مهربان آته­سینی قولدن بیره دی.

ظهیراحمد مهربان آنه سی تربیه سی آستیده 7 یاشیده باشلنغیچ مکتب دوره سینی "ده نو ذکور لیسه سیده" و اورته دوره سینی جرنیل غوث الدین و عربخانه مکتب لریده بیتریب، لیسه دوره سینی آیدین فاریاب خصوصی لیسه سیده اوقیگن.

اوکتای 1392 ییلی کانکور سیناویده اشتراک ایتیب، ننگرهار بیلیم یورتی نینگ طبیات بولیمیده کامیاب بولدی. بیراق، او نهایت یاشلیکدن شعر وادبیات بیلن قیزیقیب، ایککی تیل(اوزبیکچه فارسچه) تیللرده شعر لریازیب کیلماقده. بوندن تشقری ظهیراحمد ترجمه و یازووچیلیک ایشلری بیلن هم شغلله نیب، مقاله لری هم مشاهدلرنظریدن اوتگن.

اوکتای، خوش نویسلیک هنری بیلن هم علاقه ده بولیب، "شکست" و"نستعلیق" خط لرینی یازیشده هم مهارتلی دیر. او مدنی جماعه چوکاتیده گی فرهنگی همده اجتماعی انجمن لر بیلن یقین علاقه ده بولیب ضمنٱ آیدین اوقووچی لری انجمنی نینگ بیرینچی عضولریدن هم دیر.

اوکتای میمنه شهریده اوزبیک تیلیگه خذمت کورستیب، کیله یاتکن رادیولردن میمنه ناملی رادیوده هم فعالیت قیلیب تورلی ادبی همده اجتماعی برنامه لرنی آلغه آلیب بارگن.

قوییده گی شعرلر اوکتایی نینگ ایجادیدن نمونه:

ای وطنداش کیل بوگون بو یورتنی آباد ایله لیک

چرچه مسدن ظلم بنیادنی برباد ایله لیک

تون و کون ایزلب هنرنی هم بیلیم بیرله ینه

اوچریب تبعیض اوتینی کونگلیمیز شاد ایله لیک

قنچه یاندیردی بو یاو لر اولکه میز بوستانینی

باشقه دن بیرگه بولوب دوستلیک نی بنیاد ایله لیک

یاندی تبعیض اوتیگه بو ملت بیچاره میز

بیرله شیب بیرکوچ بولوب یاولرنی برباد ایله لیک

بس که قالدیک نیچه ییل لر جهل و نادانلیک بیله

تبعیض و غمنی یوقاتیب ایلیمیز شاد ایله لیک

آنه یورت نینگ ایسته گی کوپ بیزدن ای تینگداشلریم !

یورتگه تینچلیک کیلتوریب ایل لرنی دلشاد ایله لیک

***

بهار

خوش هواسی بیرله باققه ، سبزه کیلتورگی بهار

تاغ و تاشنی رنگ مه رنگ گل-اوتگه تولدورگی بهار

مرهم زخمی بولیب دل لرنی ، شادلیک کیلتوریب؛

هم ختن مشکی کبی عطرینی ساوورگی بهار

ایندیریب کوزیاشینی خوشلیک دمیده ، کوکنی

ییریوزینی کوم-کوک ایله ب ؛ قیته اوستورگی بهار

گل لر اوزره تانگده شبنم توشگه نیده ، قیته دن

ینگی ایسته ک لراولوس کونگلیده آرتتورگی بهار

دل لریندن ایل-اولوس نینگ، کیتگوزیبان قیغولر

ینگی تورموش ریجه سینی قیته یازدورگی بهار

***

مینِ بیچاره نی سیومه سن

سین

نیته یین ؟

نگاریم ،سینی سیوه من!

جفالر قیلسنگ،

اوز ینگدن سورسه نگ ،

قه یان کیته یین ؟

نگاریم، سینی سیوه من!

وفا ایتمسدن ،ستم لرقیلسنگ،

ستم لرینگه چیده ب ،بو جانیم

فدا ایته یین

نگاریم، سینی سیوه من!

مینی اوزینگه لایق بیلمه سنگ

بوغریبینگ نی کوزگه ایلمه سنگ

ییغلب غمیم نی- شعر قیلیب یاریم

سینگه بیته یین

نگاریم ،سینی سیوه من!

***

ای یوره گی قان -

غریب وطندار !

هنوز آواره لیکدن،

ایکی میز غریب

بیز اوچون آیدین لیک کیره ک،

قرانغو لیک ده میز.

بولمه موندن آرتیق،

جهالت گه قریب!

کیچیک باله لر ییغلر،

قرانغولیکدن

کیکسه لر – چال لر،

بو حالده- کونر

بیزهم بوحالده بولسک، عزیزیم!

قیغو- غمدن بولک نی اونر؟

بیز اوزبیک میز !

آلتای اروغی

بویوک ملت

دل لرده جایلشگن

عالم بیلگن

دنیا ارا – آتا بیک میز !

بیز اوزبیک میز !

هر بیری میز

بویوک بیک میز !

- تانسه نگیز تیمور بابامیزنی

- اول نوایی هم نوا میزنی

- هم بابر – بایقرا میزنی

- یاکه مشرب دییه هم صدامیزنی

قالگی دور سیز لال و حیران

بوقنده ی ممکن ؟

بو قنده ی دیبان ؟