افغانستانده گی خودکش هجومده اون آلتی کیشی بوجمله دن تورت خارجی هلاک ایتیلگن

پایتخت کابل شمالیده جایلشگن پروان ولایتی نینگ محلی رسمی لری بو ولایت نینگ بگرام تومنیده صادربولگن انتحاری هجومده 16کیشی هلاک بولگنی نی تصدیقلشدیلر.

پروان حاکمی نینگ سوزچیسی وحید صدیقی بی بی سی گه ایتیشیچه بوگون ایرته لب خودکش شخص اوزینی بگرام اولوسوالیگی نینگ قلندر خیل قیشلاقیده جایلشگن ساغلیق مرکز قرشی سیده پارتله تیب نتیجه ده ایکی پلیس، اون عادی اهالی وافغانستانده آیساف چوکاتیده خذمت قیلیب کیله یاتگن تورت چیت ایللیک عسکر هلاک ایتیلگن.

اونگه کوره چکلیک عسکرلر بومرکزنی کوریب چیقه یاتگن بیرچاغده خود کش هجوم یوزبیرگن.

افغانستانده گی خلق ارا کوچلر بیر بیانات ترقه تیب بو حادثه ده 4عسکرلرینی قولدن بیرگن لرینی تصدیقله گن.

حاضرگه قدربوحادثه ده یره لنگن لرقنچه کیشی بولگنی انیق ایمس.

طالبان گروهی هم بیربیانات ترقه تیب بوحادثه مسوولیتی نی اوز بویین لریگه آلیب وبوحادثه ده 15امریکالیک عسکرنی اولدیرگن لرینی ایتیشگن.

پروان ولایتی مملکت نینگ تینچ ولایت لریدن بیری بولیب شونگه اوخشش هجوم لرگه آزراق گواه بولیب توره دی.

بگرام تومنی گه تیگیشلی افغانستانده گی بگرام هوا قونالغه سیده امریکالیک لرنی ییریک حربی قرارگاه لری جایلشگن.