لغمانده طالبان عصیانچیلری گروهی هجوم اویوشتیردی

Image copyright AFP

لغمان ولایتی نینگ ولایت حاکم لیگی تامانیدن ترقه تیلگن بیاناتده یازیلیشیچه، اوشبو ولایت نینگ الینگار تومنیده گی امنیتی پوسته لرگه عصیانچیلر گروهی هجوم اویوشتیرگن، مقاملرگه کوره، توقنه شوولر بیش ساعت دوام تارتیب 15 هجومچی و 7 افغان عسکری هلاک بولگن.

بیاناتده یازیلیشیچه قورال بیلن جهازلنگن عصیانچیلر ایرته لب محلی وقت بیلن ساعت اوچ اطرافیده بیرنیچه امنیتی پوسته گه هجوم قیلگنیدن سونگ افغان امنیتی کوچلری و هجومچیلر اره سیده توقنه شوولر باشلنیب کیتگن.

لغمان ولایت مقاملیگی یوزبیرگن توقنه شوولرده اوچ انتحارچی داخل 15 هجومچی هلاک بولیب اولردن سککیزته سی هم یره لنگنینی ایتگن.

یره لنگن لردن بیری طالبان نینگ مهم قوماندانلریدن بیری بولگنی ایتیلگن.

شونینگدیک نشر ایتیلگن اعلامیه ده، التی پلیس و بیر اردو عسکری هلاک بولیب باشقه تورت پلیس هم یره لنگنی تصدیق لنگن.

هجوم مسوولیتی نی طالبان گروهی اوز ذمه سیگه آلگن، اوشبو گروه سوزچیلریدن ذبیح الله مجاهد مطبوعات گه پیام یوللب اویوشتیریلگن گروهی هجومده 14 افغان عسکری هلاک بولگنینی ادعا قیلگن.

همده طالبان گروهی، مذکور هجومده تورت طالب هلاک و بیش طالب یره لنگنیدن خبربیرگن.

معلومات لرگه کوره لغان ولایتی نینگ ایریم حدودلریده طالبان قوراللی لری فعال بولگن لیکن طالبان بوکونگی اویوشتیریلگن گروهی هجوم باره سیده حاضرگه قدرهم هیچ قندی مناسبت بیلدیرمه گن.