مزارشریفده محلی ژورنالیست لردن بیری اوققه توتیب اولدیریلگن

Image copyright AFJC

خالد آگاه یعقوبی ناملی بویاش ژورنالیست مزارشریف شهریده اوز اوییده تنیلمه گن قوراللی شخص تمانیدن آتیب اولدیریلگن.

بلخ ولایتی پلیسی بوحادثه نی تصدیقلب، اما آگاه نینگ ژورنالیست بولگنیدن بی خبرایکنینی معلوم قیله دی.

بلخ ولایتی نینگ پلیس قوماندانی عبدالرحمن رحیمی آگاه نینگ کیم اولدیرگنی ونیمه مقصدگه اولدیرگنی باره سیده معلوماتگه ایگه بولیش اوچون تیکشیریش ایشلری باشلنگنی دن خبربیرماقده.

اولدیریلگن یاش ژورنالیست خالد آگاه نینگ عایله سی گه کوره، قوراللی شخص کیچه ایشیکدن اویگه کیریب کیلیب، تفنگچه بیلن بوینیگه قره تیب اوق اوزگن.

معلومات لرگه قره گنده او، بیرینچی دن یره لنگن، کیین کسلخانه گه ییتکزیلیشی بیلن اوز جانی نی قولدن بیریشگن.

حادثه دن کیین اولدیریلگن بو ژورنالیست نی اوققه توتگن ناتنیش قورالی کیشی ایسه اونینگ حویلی سیدن قاچیب چیقیشگه موفق بولیشگن.

عین حالده، آگاه نینگ عایله سی اونی هیچ کیم بیلن دشمن لیگی بولمه گنی نی تاکیدلشه دی.

بیراق معلومات لرگه کوره او، مزارشریفده فعالیت قیلیب کیله یاتگن لحظه ناملی محلی رادیوده بیش ییل دن بیری خذمت قیلیب اجتماعی وکونگیل آچربرنامه لراجرا قیلیب کیلگن.

او نینگ برنامه لریگه سیغدیریلگن تنقیدی موضوعلر گاهده محلی حکومت گه قره تیلرایکن.

سونگی ایکی آیده بلخ ولایتی ده تینچ لیک وضعیتی بوزیلیب پارتلش، آدم اوغیرلش حاللری یوزبیریب کیلماقده. بوایسه بو ولایت یشاوچیلری نینگ قتیق خواطرلریگه سبب بولگن.

بوندن آلدین هم مستقل ژورنالیست لردن بیری نامعلوم شخص لر تمانیدن کلتکله نیب کیتیلگن ایدی.

جاری ییل ده بو ژورنالیست اولدیریلیشی بیلن اولدیریلگن ژورنالیست لرسانی 6کیشی گه ییته دی. اوتگن 13ییلده مملکت بویلب 43ژورنالیست اولدیریلگن. خبرنگارلردن حمایت ایته دیگن تشکیلاتلر بوواقعه لرمسووللری تاپیلیشی اوچون حکومت تاماندن کیره کلی سعی وحرکت بولمه گن.