سیلاوکمیسیونی: آوازلرنی کوریب چیقیش جریانی ایرته باشلنه دی

Image copyright AP

مستقل سیلاو کمیسیونی ایککینچی دور سیلاو اوازلرینی کوریب چیقیش جریانی ایرته باشلنیشیدن خبربیردی. اوشبو کمیسیون سوزچیسی نور محمد نور نینگ ایتیشیچه، کوریب چیقیش جریانی کابل ولایتیگه تیگشلی رای صندوقلریدن باشلنیشی نظرده توتیلگن.

شونینگ دیک دیک نور جنابلری کابل ولایتیگه تیگیشلی 3000 رای صندوقی اوشبو کمیسیون مرکزیگه موجود لیگینی اورغولب شوباعث تفتیش جریانی کابلدن باشلنیشینی تاکیدله دی. نورجنابلریگه کوره، افغانستان بویلب قریب 20 مینگ رای صندوقی موجود بو 3000 صندوق ایسه افغانستان بویلب رای صندوقلریدن اون بیش فایزینی تشکیل بیره دی.

همده او کمیسیون، ایساف، افغان امنیتی کوچلری و یوناما همکارلیگی بیلن ولایت لرده گی رای صندوقلرینی انتقال بیریش ایشی ایرته پنجشنبه باشلنیشینی تیلگه آلدی.

کمیسیون قراری اساسیده رای صندوقلرینی انتقال بیره یاتگن چاغی جریان شفاف لیگی اوچون هر بیر ولایت دن ایککی نامزد وکیللری هم صندوقلر بیلن بیرگه کیله دی.

شونگه علاوه مستقل سیلاو کمیسیون سوزچیسی رایلرنی تفتیش قیلیش جریانینی کوزه تیش اوچون ایککی نامزد تامانیدن اون کیشی مستقل سیلاو کمیسیونی ته نیشتیریلگنینی ایتدی.

سیلاو مستقل کمیسیونیگه کوره، تفتیش جریانینی خلق ارا و ملی کوزه توچیلر تولیق نظارت قیلیب جریان قندی کیچه یاتگنینی کوزه تیش اوچون مطبوعات گه هم ایزین بیریله دی.

ایککی نامزد اره سیده پیدا بولگن مخالفت لر امریکا تشقی ایشلر وزیری جان کری و بیرلشگن ملت لر تشکیلاتی نینگ افغانستانده گی وکیلی یان کوبیش واسطه چیلیگی بیلن حل ایتیلدی.

جناب کری اوتگن شنبه کونی ایککی نامزد بیلن کابلده اوتکزگن قوشمه مطبوعات انجمنیده 24 ساعت دن سونگ تفتیش ایشی باشله نیشی باره سیده کیلشیب آلینگنینی ایتگن ایدی، لیکن بو جریان اوز زمانیده باشلنمه دی.

افغانستان مستقل سیلاو کمیسیون سوزچیسی نور محمد نور بونگه سبب نیمه بولگنینی شوندی ایضاح له دی: تفتیش جریانینی قندی باشلنیشی اوچون بیز اوشه پیت دن نظری شکلده عملیات ریجه سی اوستیگه فکر قیلرایدیک، اوتگن کون بیز یوناما همکارلیگی بیلن قیته کوریب چیقیش عملیات ریجه سینی تیارله دیک. کمیسیون اعضالری تامانیدن تصدیق له نیب و ایککی نامزد سیلاو تیمی بیلن اورته گه قوییلدی."

رایلرنی کوریب چیقیش جریانی اوچ هفته دوام تارتیب نهای نتیجه ایسه مستقل سیلاو کمیسیون تامانیدن اعلان ایتیله دی.