اونلب پکتیکالیک لرقانلی حادثه آرتیدن ناراضیلیک نمایشی اویوشتیرگن

Image copyright Reuters

بوگون پکتیکا ولایتی ارگو تومنی نینگ اونلب اهالیسی ناراضی لیک نمایشی اویوشتیریب طالبان ودولتگه قرشی شعارلربیریشگن لرشونینگ دیک اولرحادثه ده طالباننی مسوول دیب اما امنیتی کوچلرنی کوچ سیزدیب تیلگه آلگنلر.

عین حالده افغانستان ایچکی ایشلروزیرلیگی بو ولایت نینگ ارگون تومنیده یوزبیرگن پارتلشده 90کیشی هلاک ایتیلگیندن خبربیرگن. اما افغانستان مدافعه وزیرلیگی قربان بولگن سانی نی 40دن آرتیق دیب بیانات ترقتگن.

سه شنبه کونی اورگو تومنیده یوزبیرگن کوچلی پارتلشده تن جراحتی آلگن لردن بیرقطارلری کابل شفاخانه لریدن بیریگه آلیب کیلینگن.

بوندن تشقری بوهجوم، اونلب کیشی دن هم جان آلدی. اوز فرزندلریگه هییت کییم کیچگی آلیش اوچون تومن بازاریگه کیلگن منه بو شخص هم حادثه ده تن جراحتی آلیشگن."مین بازارگه قیزباله لریم گه هییت اوچون کییم کیچگ آلگنی کیلگندیم، بیردن پارتش یوزبیردی یره لندیم" دییدی او

بو حادثه ایسه یوزلب عایله لرنی قیغوگه چومدیردی. جانی تلفات یانیده اونلب دکاندارنینگ دکانلری ویران بولیب اوز ساته دیگن اشیالری هم کوککه ساوریلگن.شیرینلیک ساته دیگن دکاندارلردن بیری هم بوحادثه ده اوزقوللری نی یوقاتگن."اوییرده دکانیم بار ایدی، کلچه پیشیریب ساتردیم، دکانده اولتیرگن پیتیم پارتلش روی بیردی، بیردن ییقلیب کیتگنیمنی بیله من، کیین اورنیمدن توریب تشقری چیقدیم، میدان، یره لنگن لردن واولگن لردن توله ایدی، اوزیم هم یره لندیم"

ایمیرجنسی کسلخانه سی شفاکارلریدن بیری یره لنگن لرنی آلیب کیلگنده احواللری اوته آغیربولگنی نی ایته دی."عمومن آلگنده یره لنگن لرنی آلیب کیلگنده احواللری اوته آغیرایدی، تیزده ساغلیق تیمی دوالش اوچون خذمت کورستدیلرحاضر احواللری یخشی" دییدی بوکسلخانه شفاکارلریدن بیری

یوزبیرگن بوحادثه سونگی ییللرده مملکت بویلب اینگ قانلی واقعه حسابلنه دی. پارتلش عادی اهالی دن گوجوم بولگن محلده صادر بولیب قربان بولگن لرنینگ اکثریسی نی عادی اهالی باله لروعیال تشکیل بیره یاتگنی ایتیله دی.

Image copyright BBC World Service

یقینده بیرلشگن ملت تشکیلاتی هم عادی اهالی تلفاتی آشیب باره یاتگن لیگی خصوصیده تشویش بیلدیرشگن ایدی.

ارگون تومنی پاکستان بیلن چیگره داش بولیب اوتمیشده هم اهالی امنیتی کوچلرسانی بوتومنده آزلیگی باره سیده شکایت قیلیشگن ایدی.

بوحادثه تلفاتی باره سیده رسمی لرتاماندن فرقلی رقم لربیریلماقده، ایچکی ایشلروزیرلیگی سووزچیسی نینگ اورین باسری نجیب دانش مذکور حادثه ده 90کیشی هلاک بولگنی نی ایته دی. "پکتیکا ولایتی ده عملگه آشگن هجوم قانلی حادثه ایدی، هجوم تینچ اهالی شغللنه دیگن محل ویانیده مسجد ومدرسه جایلشگن ایدی، حادثه نینگ اکثر قربان لری هم انه شواهالی ، بوگون بیرگه ییتیب کیلگن گزارشگه قره گنده 90کیشی هلاک بولگن و100 آرتیق هم یره لنگن" دییدی دانش جنابلری

اما افغانستان مدافعه وزیرلیگی بیر بیانات ترقه تیب هلاک ایتیلگن لرسانی 42کیشی بولیب تن جراحتی آلگن لرهم اونلب کیشی دیب معلوم قیلگن.

طالبان بوحادثه مسوولیتی نی اوز بویین لریگه آلیشمه گن، اما دولت بونگه عصیانچی لرنی مسوول دیب ایتماقده.