حامد کرزی نینگ قوریقچی لری طالبان هجومی آستیگه کیلدی

Image copyright ARG

افغانستان جنوب شرقیده جایلشگن پکتیا ولایتی نینگ زرمت تومنیده طالبان عصیانچیلری جمهوررییس حامدکرزی امنیتی قوریقچیلری کاروانیگه هجوم قیلیشگن، نتیجه کرزی نینگ تورت امنیتی قوریقچیسی یره لنگن.

جمهوررییسلیک سوزچیسی ایمل فیضی بی بی سی بیلن بولگن صحبتیده کرزی امنیتی قوریقچیلری پکتیکا ولایتی نینگ ارگون تومنی قره ب کیته یاتگن بیر پیت طالبان هجومیگه توتیلگنینی ایتیب اولردن تورته سی تن جراحتی الگنینی تصدیق له دی.

پکتیا ولایتی نینگ پلیس قوماندانی زلمی اوریا خیل حادثه نی تصدیق لب بیراق جمهورریس امنیتی قوریقچیلری نینگ سفری حقیده هیچ قندی معلومات بیریلم گنینی تیلگه آلگن.

او بیرینچی معلومات لرگه اساس له نیب ایککی کیشی تن جراحتی آلگنینی ایتگن. شونینگ دیک پکتیا پلیس باشلیغی کرزی امنیتی قوریقچیلری سفر قیلگن عمومی یول نینگ زرمت تومنی منطقه سیده طالبان فعال بولگنینی تاکیدله گن.

بی بی سی نینگ محلده گی مخبری احسا ن الله مهجور نینگ ایتشیچه، کاروان ده زره و فلانکوچ موترلری موجود لیگی کورینگن. محل یشاوچیلری بی بی سی خبرنگاریگه موترلرگه عیاللرهم کورینگنینی ایتگن.مذکور عیاللر پلیس بولیشی ممکن لیگی نی تیلگه آلگنلر.

محل یشاوچیلری هجومدن سونگ یول یانیده ایککی جسد کورگنلرینی ایتیب بیر فلان کوچ موترینی هم طالبان الیب کیتگنینی ایتگن. طالبان هجوم مسوولیتی نی اوز ذمه سیگه الگن.