قیصار اولسواللیگیده پلیس و طالبان آره سیده توقنه شوولر دوام ایتماقده

فاریاب ولایتی نینگ قیصار تومنیده افغان امنیتی کوچلری و طالبان اره سیده توقنه شوولر ایتیب کیله یاتگنی ایتیلیب حاضرگه قدر آلتی قورالی طالب و بیر پلیس هلاک بولگنی تصدیق لنگن.

فاریاب ولایتی نینگ پلیس اداره سی امنیت امری محمدنعیم اندرابی توقنه شوولر هلی هم دوام ایتب کیله یاتگنینی تاکیدلب یوزبیرگن توقنه شوولرده بیر پلیس هلاک بولگنینی تصدیق له دی.

پلیس اداره مقاملریگه کوره، کونی کیچه ساعت اون ایککی اطرافیده یوزلب قورالی طالبلر قیصار تومنی نینگ شاخ محله سیگه هجوم اویوشتیرگن لر.

ایریم محل یشاوچیلری شاخ محله سی نینگ طالبان قولیگه توشگنینی ایتگنلر، لیکن فاریاب پلیس اداره سی شاخ محلی افغان امنیتی کوچلری نظارتیده بولگنینی تاکیدله ماقده.

فاریاب ولایتی نینگ ولایت کینگش منشی سی سید باقی هاشمی محلی مسوولرنی اعتبار سیزلیککه عیبلب اوییرده بولگن امنیتی کوچلرگه یاردم بولمه گنینی قتیق قارلب تیزلیکده منطقه گه قوشیمچه کوچلر یوباریلمه سه اوشبو محل طالبان قولیگه توشیشدن تشویش بیلدیرگن.

طالبان گروهی سوزچیلریدن قاری یوسف احمدی اوشبو هجوم نتیجه سیده افغان امنیتی کوچلری اغیر تلفات کورگنینی ادعا قیلگن. شاخ بازاری قیصار تومن مرکزیدن 15 کیلومتر اوزاق لیکده جایلشگن.