ایللیک فایزآوازصندوقلری ولایت لردن کابل گه ییتکزیلگن

Image copyright AFP

جمهوررئیسلیک سیلاوی گه عایدتیکشیریله دیگن آوازلرنینگ 50 فایزی ولایت لردن پایتخت کابل گه ییتکزیلگن.

کوریب چیقیش وقیته سنش جریانی نی جدلشتیریش اوچون کمیسیون تاماندن سعی وحرکت باشلنگن.

اوتگن تورت کونده توپلم 23مینگ صندوقدن فقط 600صندوق آوازلری کوریب چیقیلگن.

ایکی نامزد نظارتچی لری اورته سیده یوزه گه چیققن معما سبب کوریب چیقیش وقیته سنش جریانی سست بارگنی سبب قیلیب کورسه تیلگن.

ولایت لرده گی صندوقلرنی مرکزگه ییتکزیش جریانی اوتگن 5شنبه کونی آوازلرنی تفتیش ایتیش وقیته سنش جریانی بیلن عین مدتده باشلندی.

بو صندوقلرنی ولایت لردن آلیب کیلیش مسوولیتی افغان، ناتو وآیساف کوچلری ذمه سیگه یوکلنگن.

سیلاولر مستقل کمیسیونی سوزچیسی نورمحمد نور کابلده اوتکزگن خبری ییغینده آواز صندوقلری بلخ،غزنی، وردک، قندهار، هرات، هلمند وپکتیکا ولایت لریدن پایتخت کابلگه ییتکزیلگنی نی معلوم قیلدی." توپلم 9476صندوق مرکزی اداره میزده تفتیش اوچون تیاربولیب توریبدی، شونگه اساسله نیب ایته آله میز ولایت لردن حاضرگچه سیلاولرمستقل کمیسیونیگه قریب 50فایز آوازصندوقلری ییتیب کیلگن"

بوگون افغانستان جمهور رئیسلیک سیلاوی نینگ ایکینچی باسقیچ آوازلرینی تیکشیریش جریانیدن 5کون اوتگن. اما اوتگن 4کونده 23مینگ صندوقدن فقط 575صندوق رای لری تیکشیریلگن.

سیلاولر مستقل کمیسیونی سوزچیسی گه کوره بوجریاننی تیزلشتیریش اوچون سعی وحرکت لر باشلنگن." خلق ارا وایچکی کوزه تووچی لر بولمه گن تقدیرده تیم لرنی کوپراق تشکیل بیره آلمه یمیز، بیزمذکور تشکیلات لربیلن علاقه ده میزاوزاعضالری نینگ سانی نی آشیریش لری بیلن تیم لر سانی نی یوزدن هم آشیره میز، بوبیلن بوجریان کوزله گن وقت گچه ایشی نهایه تاپسه" دییدی نورجنابلری

عین حالده امریکا نینگ افغانستان وپاکستان ایشلری بوییچه مخصوص وکیلی جیمزدابنز افغانستان جمهمور رئیسی حامد کرزی بیلن اوچره شیب سیلاوخصوصیده صحبتلشگن.

جمهوررئیس لیک سرایی مطبوعات خذمتی بو اوچره شووتفصیلاتی نی فاش ایتمه گن. اما بواداره گه کوره دابنز ایکی تیم اورته سیده آوازلرنی قیته سنش اوچون بولیب اوتگن مذاکره لرباره سیده گپیرگن.

بیرلشگن ملت لر تشکیلاتی وامریکا واسطه چیلیگی بیلن ایکی نامزد آوازلرکیلیشووی اساسیده آوازلر قیته سنه لیشی باره سیده قرارآ لیندی.