کرزی: امنیتی کوچلرتینچ اهالی توره دیگن محللرده آغیرقوراللردن ایشلتمه سین لر

Image copyright Reuters

افغانستان جمهور رئیسی حامد کرزی بومملکت نینگ امنیتی کوچلری رهبرلری گه، اوزاداره لریده گی کوچلرگه اهالی قتنه یدیگن یوللروتینچ اهالی استقامت قیله دیگن منطقه لرگه عملیات جریانیده آغیرقورال ایشلتیشدن باش تارتیش لری اوچون بویروغ بیریشلری نی سوره گن .

بوگون رسانه لراختیاریده قوییلگن جمهور رئیس فرمانی ده کیلیشیچه اوتگن بیرآیده قولگه کیلتیرگن معلومات اساسیده تینچ فقرا استقامت قیله دیگن محللرده اوتکزیلگن عملیات لرده آغیر قوراللردن فایده له نیلگنی سبب عادی اهالی گه مالی وجانی تلفات ییتکزگن.

افغانستان جمهور رئیسی، مدافعه، ایچکی ایشلر وزیرلیک لری وملی خوف سیزلیک اداره سیدن انسان حق لریگه حرمت قیلیب وافغانستان باش قانونی نینگ 23ماده سی نی رعایت ایتیلیشی اوچون عملیات اوتکزیلمسدن آلدین محل وضعیتی جدی تیکشیریلیشی باره سیده بویروغ بیرگن.

افغانستان باش قانونی نینگ 23ماده سیده کیلیشیچه حیات کیچیریش هربیرفقرا نینگ طبیعی حقی، هیچ کیم قانون بویروغیدن تشقری بوحقوق دن محروم ایتیلمه یدی.

کرزی نینگ سونگی فرمانیده قید ایتیلیشیچه عملیات نی اوتکزیش اوچون دولت مخالف لری وناقانونی قوراللی لربارلیگی باره سیده ییترلیچه معلومات بولیشی کیره ک وتینچ فقرا لر بیلن اولرنی فرق لش گه جدی اعتباربیریلیشی شرط.

بوندن آلدین کرزی جنابلری افغان امنیتی کوچلری خارجی حربی لردن یاردم آلیشگه حق لری بولمه گنی نی اعلان قیلگن ایدی.

کرزی جنابلری هجری قویاش 1391ییلده افغانستان حربی کوچلری دن هیچ بیرقسمی هیچ قنده ی شرایطده خارجی هوا کوچلری نی قیشلاق لرگه یاردم گه چقیره آلمسلیک لری باره سیده بویروغ بیرگن ایدی.

کرزی نینگ بوفرمانی بومملکت اهالی سی کنر ولایتی نینگ غازی آباد تومنیده افغانستان ملی اردو عسکرلریدن 21نفر اولدیریلگنی سبب تیتره گن لری یوزه سیدن بیریلگندی، بونده کرزی گه قرشی تنقیدلر کوپ سانده قیلینگن دی.

بوعسکرلر اولدیریلیشی آرتیدن افغان کوچلری اوزلریدن مدافعه قیلیشگه قادر بولمه گن تقدیرده نیگه قوشیمه کوچ محلگه جوتیلمه دی، یاده خارجی لردن هوا یاردمی طلب قیلینمه دی دیگن سواللرپیدا بولگندی.

ایریم لرشونده طلب قیلینگن بولسه هم کرزی بویروغی سبب عملگه آشیشی اوچون یوزه گه چیققن چیکلاولربونگه سبب بولگنی معلوم قیلینگن ایدی.

اوزاق حدودلرده خذمت قیله دیگن چیگره پلیسی طالبان بیلن کوره شیش اوچون کیره کلی امکانیت لری بولمه گنیدن شکایت قیله یاتگن بیرپیتده کرزی تاماندن بوخصوصده فرمان چیقریلگن.