کرزی: افغانستانگه کوپلب خارجی ترورچیلرکیریب کیلیشگن

Image copyright AFP

افغانستان جمهور رئیسی حامد کرزی سونگی ایکی آیده عصیانچی لرنینگ هجوم میزانی اوتگن اون تورت ییل گه قره گنده مثل کوریلمه گن درجه آشگن دیب ایتگن.

کابلده، هییت نمازینی ادا ایتگندن کیین نطق یوریتگن کرزی جنابلری امنیتی اداره لرتمانیدن بیریلگن گزارش اساسیده مملکت گه کینگ بیرشکلده خارجی تروچیلر کیریب کیلگنی نی معلوم قیلدی.

شونینگ دیک کرزی جنابلری طالبان رهبرلریدن ینه بیرمرته اوریشدن قول تارتیش لرینی سوره دی.

هییت مراسمی بوگون مملکت بویلب تینچ فضاده بولیب اوتگنی ایتیله دی، هییت کونلرامنیت تامین له نیشی اوچون مملکت بویلب اون مینگلب خوف سیزلیک کوچلری تورلی نقطه لرده جایلشتیریلگن.

کرزی هییت نمازینی جمهور رئیس لیک سراییده ادا ایتدی.حامد کرزی نینگ افغانستان جمهور رئیسی صفتیده سونگی صحبتی هییت نمازینی ادا ایتگن کیین بولگنی کوتیله دی.

کرزی جنابلری هییت نمازینی ادا ایتگن دن کیین سونگی ایکی آیده دولت مخالف لری نینگ هجوم لری آشگنی نی تیلگه آلدی.

او انیق رقملری قنچه بولگنی باره سیده معلومات بیرمه دی. اما سونگی اون تورت ییل گه قره گنده هجوم لرمیزانی آشگنی نی ایتدی."ایسینگیزده بولسه افغانستانده سیلاوترغیبات لریده کیچه وکوندوز تینچلیک ایدی، مینگلب کیشی کمپاین لرگه حصه قوشدی وکته ییغین لراوتکزیلدی، شوجریانده بیرکیشی هم یره لنمه دی، اما سیلاوبولیب اوتیشی وآوازسنش جریانی باشله نیشی بیلن افغانستانگه شدت بیلن هجوملر باشلندی. سونگی ایکی آیده عملگه آشگن هجوم اوتگن اون تورت ییلده بولمه گندی" دییدی افغانستان جمهور رئیسی

اینگ کوپ تلفات گه سبب بولگن هجوم لردن بیری هم بوندن ایکی هفته آلدین پکتیکا ولایتی نینگ ارگون تومنیده یوزبیردی.

بوواقعه ده اونلب انسان قربان بولیب واونلب کیشی هم تن جراحتی آلیشدی. اولیب جراحتلنگن لرنینگ کوپچیلیگی عادی اهالی بولگنی معلوم قیلیندی.

کرزی جنابلری کوپچیلیک خارجی ترورچی لرمملکت گه اوتیب افغان لرنی هجومگه توته یاتگنی امنیتی اداره لرتمانیدن خبربیریلگنی نی معلوم قیلدی.

عین حالده اوینه بیر بار طالبان دن اوروشدن قول تارتیب ناقرارلیک لرگه یول آچمسلیک لری نی سوره دی. "بوییردن توریب طالبان رهبرلریدن اوروشنی یکونلنتیریشلرینی سوره یمن، خارجی ترورچی لراوتیشیگه زمینه یره تمنگ لر وافغانستاننی نابرقرارلنتیرمنگ لر،تینچلیککه قوشیلینگ لرآبرو بیلن اوز سینگلی و ایناغه لرینگیزبیلن حیات کیچیرینگ لر". دییدی حامد کرزی

کرزی جنابلری سیلاو نتیجه لری اعلان ایتیلیشی دن کیین ینگی حکومت ایشلرنی شدت بیلن باشله شیگه امید قیلدی.

شونینگ دیک کرزی جنابلری نینگ سوزلریدن بیر قسمی ایریم اسلامی مملکت لرده دوام ایته یاتگن جنگ لرگه قره تیلگن ایدی.

اوافغانستان خلقی وعمومن آلگنده اسلام دنیاسی فلسطین خلقی نی ایسلب تورگن لرینی بیلدیردی.

هییت مراسمی بیر پایتخت کابلده تینچ فضاده بولیب اوتمه گن، بلکی بوتون مملکتده تینچ فضاده بولیب اوتدی.

مملکت نینگ شمالی ولایت لریده هم اهالی بومراسم نی هیچ قنده ی واقعه یوزبیرمسدن اوتکزگن لرینی ایتیشماقده لر.

اوتمیشده فاریاب مرکزی میمنه ده اکثر اهالی هییت نمازینی عیدگاه جامع مسجدیده ادا ایتردی، اما نیچه ییل آلدین قربان هییت کونی مسجدایشیگده یوزبیرگن خودکش هجوم اونلب نماز خوان وامنیتی کوچلری دن جان آلدی شوسبب اهالی تشویشله نیب شهرنینگ تورلی مسجدلریده نمازنی ادا ایتگن.

شونینگ دیک مزارشریف ده هم اهالی بومراسمنی خواطرلنسمدن خوشلیک بیلن اوتکزیشگن.

عین حالده شمالی سرپل ولایتی ده هم مینگلب اهالی مسجدلرگه باریب نمازنی ادا ایتشیگن .

هییت بیره می مسلمان لرگه مبارک وخوشلیک کونلر بولگنی اوچون کینگ بیرشکلده اولرتاماندن کوتیب آلینه دی. اما بومراسم خرجت لر بیلن بیرگه بولگنی اوچون کوپلب کمبغل عایله لرنی قیین احوال گه ساله دی.

اهالی اوز قرینداشلری اوییگه هییت لب باره دی، شواوچون میوه دانه آلیشدن توتیب کییم کیچک تیارلش گه بیرمونچه مبلغ کیره ک، بوخرجت لر کم تامین لنگن عایله لرگه آغیر توشه دی.

سونگی ییللرده مملکت بویلب امنیت یامانلشگنی سبب اهالی بومراسمده ناخوش واقعه لر یوزبیریش احتمالیدن قورقیب تشویشگه توشه دیلر. شوسبب دولت هییت کیلمسدن توریب بوکونلرده امنیت تامین له نیشی اوچون قتیق خوف سیزلیک چاره وتدبیرلرنی کوچه یتیره دی.