هجومچی لر قندهار پلیس قوماندانی اوییگه هجوم قیلیشگن

Image copyright BBC World Service

بیرگروه هجومچی لربوگون ایرته لب افغانستان جنوبیده جایلشگن قندهار ولایتی نینگ پاکستان بیلن چیگره داش بولگن سپین بولدک تومنیده گی خوف سیزلیک کوچلری بیلن توقنشگن لر.

قندهار ولایتی رسمی لری گه کوره بوهجوم ایرته لب محلی وقت بیلن باشله نیب بونده آلتی هجومچی بیرمکتب گه کیریب اوق آته باشله گن لر.

قندهارولایتی پلیس سوزچیسی ضیا درانی بی بی سی بیلن بولگن صحبتیده بواوروش ایکی ساعت دوام ایتیب نتیجه ده بیرباله وبیر چیگره پلیسی و آلتی هجومچی هلاک بولیب واوچ چیگره پلیسی هم یره لنگنی نی معلوم قیلگن.

عملگه آشگن هجومدن مقصد پلیس رهبری عتیق الله وقندهار ولایتی تیزعمل قیلووچی حربی قسم رهبری جانان لرنینگ اویلری بولگن .

بوندن آلدین قندهار ولایتی حاکمی نینگ سوزچیسی دواخان مینه پال بی بی سیگه بو توقنه شووده عصیانچی لردن اینگ آز 8کیشی حصه قوشگنی باره سیده خبر بیرگندی.

افغانستان ایچکی ایشلر وزیرلیگی نینگ اورین باسری ایوب سالنگی اوز تویترصحیفه سیده بوتوقنه شووده بیرباله وبیرپلیس اولگنی نی یازگن.

طالبان گروهی بیر بیانات ترقه تیب بوهجوم مسوولیتی نی اوز بویین لریگه آلیشگن، بوندن مقصد پلیس رهبری وقندهار ولایتی نینگ تیزعمل قیلووچی حربی قسم رهبری مهمانخانه سی بولگنی معلوم قیلینگن.

گزارشلرگه کوره هجوم بولگن چاغی، عتیق جنابلری اوز حویلی سیده بولگن. محلده گی بی بی سی مخبری اونینگ اویی50عایله توره دیگن کیچیک شهرچه ده جایلشگنی نی ایتگن.

قندهار ولایتی نینگ سپین بولدک تومنی پاکستان نینگ قبیله لر منطقه سی بیلن چیگره داش بولگن.

قندهارولایتی طالبان تینچ مرکزلری حسابلنه دی. دولت مخالف لری بو ولایت نینگ بیرقطار قیشلاق وتومن لریده فعالیت قیلماقده لر.

اولر انه شو منطقه لردن توریب بولایت نینگ تورلی حدودلریده قطارهجوم لرنی اویوشتیره دیلر.

بوندن قریب ییگرمه کون آلدین هم شونگه اوخشش هجومده بو ولایت نینگ پلیس قرارگاهی وولایت حاکملیگی بناسی قوراللی لر تاماندن هجوم گه توتیلگن ایدی.

عملگه آشگن بوهجوم عاقبتیده 22خودکش شخص، 5پلیس، 4عادی اهالی اولیب و16پلیس وتینچ فقرا هم یره لنگن ایدی.