حماس 24 ساعت لیک آتش کیسیم اعلان قیلدی

Image copyright AP

فلسطین جنگری گروهی حماس اسراییل بیلن اورتده 24 ساعت لیک آتش کیسیم اعلان قیلگن . حماس واعظی آتش کیسیم محلی وقت بیلن 14:00 ده باشله نیشنی بیلدرگن. اسراییل تمان سونگی خبرگه مناسبت بیلدرگنی یوق. اما، آلدین راق، اسراییل حربی لری غزه دن راکت لر آتیلیشی توخته مه گنینی ایتیب، حربی عملیات لرنی قیته باشله یاتگنی حقیده معلوم قیلیشگندی. سونگی قرمه قرشلیکلر1060 فلسطین لیک و 46 نفر اسراییل لیک نینگ عمریگه ضامن بولگن. آتش کیسیم هییت گه حاضرلیکلر منظره سیده آلینگن.

فلسطین ساغلیقنی سقلش بویچه رسمی لرنینگ بیلدریشیچه غره ده اولدیرلگنلرنینگ اکثری عادی اهالی دیر.

اسراییل تمانیدن ایسه 43 عسکر و اوچ فقرا حیاتدن کوز یومگن. شنبه کونی اسراییل بیرلشگن مللتلر تشکیلاتی نینگ 24 ساعت لیک آتش کیسیم طلبینی قبول قیلگن، بیراق حماس شرطلرگه قیلمه سه، شونگی یرشه ایش کوریش یوزه سیدن آگاه لنتیرگندی.

و یکشنبه کونی ایرته لب اسراییل حربی لری حماس راکت لری" اوزلوکسیز آتیلگنی" نی ایتیب، غزه گه قرشی هوا دن، قوروق لیکدن و دینگیزن هجوم لرنی قیته باشلشگه قرار قیلگنینی بیلدرگن.

غزه بولگن سینی نظارت قیلووچی حماس ایسه، تاکی اسراییل قوشون لری غزنی ترک ایتمس ایکن همده پاش پناه سیزلر اویلریگه قیتیشلریگه اذن بیرلمس ایکن، صلح نی قبول قیلمسلیگنی تاکید له گندی. اما، اسراییل هجوم لری قیته باشلنگنیدن کوپ اوتمی ، حماس انسان پرورلیک صلحنی قبول قیلیشگه قرار بیرگن.

" رمضان هییتیگه حاضرلیک و بیرلشگن مللت لر تشکیلاتی واسطه چی لیک حرکت لریگه جوابا، شونینگ دیک، آدم لرمیزنینگ یشش شراطلرینی کیلیب چیقیب، بیز فلسطین ده گی برچه طرفلر بیلن یکشنبه کونی 14:00 دن باشلنه دیگن 24 ساعت لیک آتش کیسیمگه راضی بولدیک"، دیدی حماس واعظی ابوظهری.