سیلاو جریانی اوزه یتیریلیشی افغانستان نینگ ایچکی درآمدی کمه ییشیگه سبب بولگن

افغانستان مالیه وزیرلیگی گه کوره بو مملکت درآمدی میزانی واردن قیلینه دیگن توارلردن باجخانه تعرفه سی 10فایزدن کوپراققه آزه یگن.

افغانستان مالیه وزیرلیگی نینگ معلوم قیلیشیچه افغانستا ن جمهور رئیس لیک سیلاونتیجه لری کیچیکتیریلیشی، بومملکت باجخانه لریده گی درآمد میزانی نی اوتگن نیچه آیده 25فایزگه کمه یتیرگن.

بووزیرلیک رسمی لری بو وضعیت دوام ایتیشی مملکت اقتصادی گه سلبی تاثیر ییتکزیشی باره سیده تاکیدله گن.

افغانستان مالیه وزیرلیگی نینگ سوزچیسی عبدالقادر جیلانی بی بی سی بیلن بولگن صحبتیده سیلاوجریانی اوزه یتیریلیشی مملکت اقتصادی گه ضررییتکزگنی نی تیلگه آلگن.

جیلانی جنابلری نینگ تاکیدلشیچه حاضرگی کونده افغانستان نینگ اساسی درآمدینی باجخانه لردرآمدی تشکیل بیره دی.

ایچکی درآمدنینگ 48فایزی باجخانه لردرآمدی آرقه لی قولگه کیله دی، بیراق بو درآمد میزانی 25فایزگه کمه یگن.

اونگه کوره واردقیلینه دیگن توارلرتعرفه سی اون فایزدن کوپراققه کمه یگن، ووارد قیلینه دیگن یوقاری تعرفه قوییله دیگن اشیالرمیزانی هم آزه یگن.

جیلانی جنابلری افغانستان مالیه وزیرلیگی ایچکی درآمدمیزانی 71میلیارد افغانی تخمین ایتیلگنی نی ایته دی، اما رسمی حساب کتاب لرگه قره گنده حاضر بورقم 58میلیارد توره دی، تخمین ایتیلگن مبلغگه نسبتن 11فایزگه کمه یگنی نی کورسته دی.

اوتگن هفته بیرلشگن ملت لر تشکیلاتی نینگ مخصوص وکیلی یان کوبیش هم افغانستان جمهور رئیس لیک سیلاو نینگ ایشلری کیچیکتیریلیشی بومملکت اقتصادیگه سلبی تاثیرقوییشی باره سیده آگاه لنتیرگن ایدی.

بودجه کمه یگنی اوچون افغانستان دولتی خادم لری گه آیلیک توله آلمسلیگی باره سیده نشر ایتیلگن خبرلریوزه سیدن بو خواطرلر بیلدیریلماقده.

اما افغانستان مالیه وزیرلیگی سوزچیسی افغانستان دولتی بومملکت کیلگوسی میلادی 2015ییلگچه اوز خادم لریگه آیلیک تولش امکانیتیگه ایگه ایکن لیگی نی معلوم قیلگن.

شونینگ دیک جیلانی جنابلری گه کوره رواجله نیش بولیمیده بیرمیلیارددالرمقداریگه بودجه شکستی سبب ضرر ییتکزیلشی بیلن روپه رو. اما سیلاو جریانی نهایی له شیشی بیلن بو معما برطرف ایتیله دی.

بومملکت ایشلاوچیلری حقوقی عادی بودجه دن تولنه دی.

جاری ییلده افغانستان نینگ ملی بودجه سی 428میلیارد افغانی نی تشکیل بیریشی معلوم قیلینگدی. بوندن 280میلیارد افغانی عادی بودجه و148میلیارد دالرهم رواجله نیش ساحه سیگه اجره تیلگن.

افغانستان عادی بودجه سی نینگ کته قسمی ایچکی درآمد بیلن تامیلنه دی. اما رواجله نیش بولیمی خارجی لر یاردمیگه باغیلق.