هراتده بیرعایله نینگ تورت اعضاسی هلاک ایتیلگن

اوتکن کونی هرات ولایتی شیندند اولسواللیگی ده خارجی کوچلر تورت کیشی نی اولدیرگن.

محل یشاوچی لریدن داکتر ظریف نینگ ایتیشیچه بو عایله توشدن کیین ساعت تورت اطرافیده ایکن زارییرلریدن قیتب اوی لری تمان باریاتکن پیت ده خارجی قوت لرنینگ تیک اوچرلری تمانیدن نشان گه توتیلب هلاک بولگن.

او بو واقعه شیندند تومنی نینگ میان رودی منطقه سیده یوزبیرگنی نی ایتیب محل یاشوچی لری بوکون ایرته لب اولدیریلگن بیر عیال و اوچ ایرکک جسدلرینی هرات ولایتی حاکم لیک بناسیگه دادخواه لیک اوچون کیلتیرگنی نی هم ایتدی .

هرات ولایتی حاکم لیک بناسیده قرشی سیده توپلنگن ایککی یوزگه یقین شیندند اهالی سی خارجی قوت لرنینگ بو حرکتی نی کیسکین قاره لب افغانستان دولتی دن بو واقعه قاتل لری نینگ جزالنتریلیشی نی ایستشدیلر.

بو قاتللیککه اعتراض بیلدیریب چیققن کیشی لر امریکالیک لرنی اولسین کبی شعارلرنی ایتیب اگر دولت بومساله گه اعتبار قره تمسه بیز اوزیمیز دشمنی میز نی تانییمیز و کیره کلی بولگن حرکت نی بجره میز دیب آگاه لنتیردی لر.

باشقه تماندن شیندند اهالی سی آق سقاللری بیلن اوچره شگن هرات حاکمی اورین باسری اصیل الدین جامی بو تورت کیشی شیندند تومنی ده خارجی قوت لرنینگ تیک اوچرلری بیلن اولدیرلگنی نی تصدیق لب واقعه نی تیکشیریش اوچون محلی حکومت تمانیدن هیات تعیین لنگنی و حادثه بوییچه تحقیقات باشلنگنی نی اورغوله دی.

حاکم اورین باسری عین دمده هرات ولایتی حاکم لیگی نامی دن هرات ده گی خارجی کوچلرگه اعتراض لی مکتوب جونتیلگنی نی ایتیب بو موضوع نی افغانستان جمهورریس لیک سرایی بیلن اورته گه قویگنی باره سیده خبر بیردی .

بوندن الدین هم شیندند تومنی ده بونده ی واقعه لر کوپلب یوز بیرگن ایدی. بوندن تورت ییل آلدین شیندند اولوسواللیگی نی عزیزآباد قیشلاقی خارجی قوت لر اوچاقلری تمانیدن بامبه بیلن هجومگه توتیلگنی سبب تینچ اهالی دن قریب یوزکیشی هلاک بولگن ایدی.