جمهور رییسلیک سرایی کریم خلیلیگه منسوب سیس نینگ نشریگه عکس العمل بیلدیردی

افغانستان جمهور رییسی سوزچیسی نینگ ایتیشیچه، بو سیس جمهور رییس نینگ ایککینچی معاونی گه منسوب بوله دیگن بولسه، اونینگ نشری خلیلی جنابلری نینگ شخصیتی گه فطور ییتکزیش بولیب، اونینگ عامللری قانونگه تاپشیریلیشی کیره ک.

ایمل فیضی گه کوره، بو ادعا توغری بولگن تقدیرده هم، اونینگ شخصیتی و عامه خوفسیزلیگینی تهدید آستیگه قویه دی.

افغانستان جمهور رییسلیک اداره سی بوحقده نشر ایتیلگن سیسلر هیچ قنده ی حجتگه بای بولمه ی، ایککینچی معاون تمانیدن ساخته کارلیک دیه رد ایتیلگنی نی ایتگن.

افغانستان جمهور رییسی ایککینچی معاونی نینگ مطبوعات خذمتی رییسی عباس بصیر، نشر ایتیلگن سیس ساخته کارلیک ایکنینی تاکیدله گن.

بصیرجنابلریگه کوره، بو سیس نینگ بیرینچی بولیملری خلیلی جنابلری نینگ سیسی دیرآما باشقه بولیملری اونگه قره شلی ایمس و اصلاحات و همگرایی تیمی سیس ترکیب قیلیب نشر ایتگن.

بو سیس بوندن ایکی کون آلدین عبدالله عبدالله تیمی تمانیدن نشر ایتیلدی و جمهور رییسلیک سرایی اینیقسه خلیلی جنابلری قلابلیکلرنی تشکیللشتیریشده کته رول اوینه گنی ادعا قیلیندی.

اما عبدالله عبدالله سیلاو تیمی مذکور سیس خلیلی جنابلریگه منسوب ایکنی نی ایتیب، او بوسوزنی اسلام وحدت حزبی اعضالری بیلن اوتکزگن اوچره شوویده تیلگه آلگنینی تاکیدله گن.

بو تیم بوندن آلدین سیلاولر مستقل کمیسیونی دارالانشاه رییسی ضیاالحق امرخیل نی هم سیلاولرده قلابلیک قیلگنلیکده عیبلب، سیسلرینی نشر ایتگندی.