کابل حربی تعلیم مرکزیده گی آتیشمه ده بیر امریکالیک جنرال هلاک بولدی

Image copyright BBCPashto.com

ایتیلیشیچه، ایکبار دیرکه، امریکا نینگ اینگ یوقاری مرتبه لی جنرالی گرین افغانستانده اولدیریلگن.

کابل حربی تعلیم مرکزلریده بیرده افغانستان ملی اردوعسکرلری کییمی ده بولگن بیر شخص نینگ خارجی همکارلریگه قرشی قیلگن اوق اوزیشی نتیجه سیده، بیر امریکالیک جنرال هلاک بولیب، باشقه 15 نفر جمله دن تعلیم مرکزی قوماندانی و بیر آلمانلیک جنرال یره لنگن.

جنرال هارولد گرین 2001 ییلده طالبان حاکمیتی اغده ریلگنی دن بیری بیرینچی یوقاری مرتبه جنرال دیرکه افغانستانده هلاک بولگن.

اسوشیتدپرس خبر آژانسی نینگ بیرگن معلوماتیگه کوره، او خوفسیزلیک مسوولیتلرنی تاپشیریش بوییچه قوشمه قوماندان نینگ معاونی بولیب، جاری ییل نینگ اداغیده امریکالیک کوچلرنینگ افغانستاندن چیقیش جریانینی کوزه تماقده ایکن.

افغانستان مدافعه وزیرلیگی، ملی اردو کییمیده بولگن بیر تیرورچی مارشال قسیم فهیم مدفعه بیلیم یورتی خادملری و خارجی همکارلرگه قرشی اوق اوزگنینی اعلان قیلگن.

مدافعه وزیرلیگی گه کوره، بو حادثه ده یره لنگنلر تیز وقتده شفاخانه گه ییتکزیلیب، هجومچی افغان ملی اردو و خارجی عسکرلرنینگ اوق اوزیشیده هلاک بولگن.

اما بی بی سی نینگ قولگه کیریتگن معلوماتیگه کوره، اوق اوزیش بیر لفظی تارتیشوودن سونگ، یوز بیرگن.

مدافعه وزیرلیگی منبع لری نینگ ایتیشیچه، هجومچی افغان ملی اردو عسکرلریدن بیری بولیب، بوندن اوچ ییل آلدین ملی اردو صفیگه قوشیلگن.

افغانستان جمهور رییسی حامدکرزی بو هجوم نی قاره له گن. جمهور رییسلیک سرایی تمانیدن نشر ایتیلگن بیر خبرنامه ده، خارجی مربی لر و افغان ملی اردو منصبدارلری اکادیمی تاسیساتلرینی کوریب چیقه یاتگن چاغده اولرگه قرشی اویوشتیریلگن هجوم، مملکت دشمنلری تمانیدن پلانلشتیریلگنی قید ایتیلگن.

محلی اخبارات منبعلری مذکور حادثه ده اوچ امریکالیک ضابط وبیر افغان عسکری هلاک ایتیلگنی باره سیده خبر نشر ایتگن. اما مدافعه وزیرلیگی و ناتوکوچلری بو خبر نی تصدیقله مه گنلر.

مارشال قسیم مدافعه بیلیم یورتی افغانستان ملی اردوسی نینگ اینگ مهم مرکزی حسابلنه دی.