جوزجان وسرپل ولایت لریده گی اوروش لرده 4طالب هلاک بولگن

جوزجان ولایتی نینگ آقچه اولسواللیگیده امنیتی کوچلر تمانیدن 5 کونلیک حربی عملیات یولگه قوییلگن، اوشبو عملیات ایسه اردو، پولیس وملی امنیت کوچلری و اهالی یاردمی بیلن یولگه قوییلگن بوندن مقصد منطقه ده گی عصیانچیلر نی تازه لش دیب ایتیله دی، شونگه قوشیمچه سرپل ولایتی نینگ کوهستانات اولسواللیگیده یولگه قوییلگن عملیات ده تورت قوراللی اولیب یاره لنگن و طالب لرنینگ بیر تنیقلی قوماندان شامل باشقه 6 طالب هم توتقونگه آلینگن.

جوزجان ولایتی نینگ آقچه اولسواللیگیده یولگه قوییلگن حربی قوشمه عملیات نتیجه سیده ایککی طالب اولیب 3 کیشی یره دار بولگن، عین دمده 3 قیشلاق طالب لر قولیدن آزاد ایتیلگن.

جوزجان امنیه قوماندان لیگی نینگ امنیت آمری سید زمان حسینی جنابلری حادثه نی تصدیقلب عملیات حاضر هم مذکور اولوسواللیک نینگ بیرقطار قیشلاق لریده دوام ایته یاتگنی نی معلوم قیله دی.

"قوراللی عصیانچی لر هجوم قیلگن لیکن امنیتی کوچلر اولر بیلن اوریشگن، کیین بیزلر قوشمه حربی عملیات یولگه قویدیک، اوشبو عملیات ده ملی اردو، ملی پولیس، ملی امنیت و منطقه اهالی سی بیرگه قوراللی عصیانچیلرنی منطقه دن اوزاقلشتیریشگه اورینه میز، جبارخیل و شونگه اوخشش بیر نیچه قشلاق تازه لنگن، شونگه قوشیمچه ملا حفیظ ناملی طالب لر بیر تانیقلی قوماندانی نینگ اویی هم تیکشیریلیب تازه لنگن امنیتی کوچلریمیز عملیات لریگه دوام بیریب کیلماقده حاضرگه قدر بیزلرگه هیچ قنده ی تلفات ییتمه گن، تیزلیک ده منطقه نی طالب لر دن تازه له یمیز.

عین دمده جوزجان ولایتی مرکزی گه تیگیشلی بولگن افغان تیپه قشلاغی ده ایککی عیال نامعلوم کیشی لر تمانیدن اولدیریلگن، حادثه ایسه مذکور منطقه ده تناوون کیچه یوز بیرگن، لیکن حادثه گه تیگیشلی حاضرگه قدر هیچ بیر شخص یا گروه اوشلنمه گن.

باشقه تاماندن سرپل ولایتی نینگ کوهستانات اولسواللیگیده قوشمه حربی کوچلر تمانیدن عملیات یولگه قوییلیب نتیجه ده ایککی عصیانچی اولیب، ایککی کیشی هم بوگروه اعضالریدن یره لنگن و طالب لرنینگ بیر تنیقلی قوماندانی شامل باشقه 6 طالب توتقونگه آلینگن. شونینگ دیک بیرقطار حدودلر طالب لر موجودلیگیدن تازه لنگن، شونینگ دیک عملیات حاضرگه قدرهم دوام قیلماقده.

سونگی نیچه آیی جریانیده شمالی سرپل و جوزجان ولایتی نینگ ایرم حدودلریده قوراللی طالب لر فعالیتی کینگه ییب باره یاتگن لیگی ایتیله دی.

هرچند دولت کوچلری تاماندن شونگه اوخشش بیرقطار حربی عملیات لر یولگه قوییب کیلماقده لیکن حاضر هم قوراللی عصیانچیلر موجودلیگی اهالی شونده ی اوروش لر یوزبیریب اهالی نینگ تشویش لریگه سبب بولیب کیلماقده.