آوازلرنی تیکشیریش جریانی تیزلشتیریلگن

افغانستان جمهور رئیس لیک سیلاوآوازلری نینگ تیکیشیریش جریانی هفته لر اوتیشی بیلن تیزلشماقده واوتگن ایکی کونده 1000دن آرتیق آوازصندوقی ایشی توگه گن. بوجریان کیلگوسی اوچ هفته گچه نهایه تاپیشی کوتیله دی.

اوتگن کونلردیک آوازلرنی تیکیریش جریانی ده یوزه گه چیقه دیگن جنجلدن فرقلی ایمس، اما ایش لر دوام ایتماقده. دوشنبه 600صندوق تفتیش ایتیلگن، اما کمیسیون بوندن آلدین کونیده بیرمینگ صندوق تیکشیریلیشی نی معلوم قیلگندی عین حالده اشرف غنی احمد زی سیلاوتیمی فکریچه کمیسیون نظارتچی لری چیت گه قالگن. بوحقده داوود سلطان زوی"بیرلشگن ملت لر تشکیلاتی وخارجی ناظرلر افغانی اصول ویوریق لرینی یخشی توشونمه یدیلر، هرگروهی ایسه بیرخلاصه چیقاره دی، بوکیلجگده قیین چیلیک لرنی آلیب کیلیشی ممکن، بوجریان باره سیده خارجی لرتاماندن آلینه دیگن قرارلر ترتیب سیزلیککه هم سبب بوله دی، شواوچون سیلاولر مستقل کمیسیونی جریان باشقرووینی اوزعهده سیگه آلیشیگه امید قیله من" دییدی او

عبدالله عبدالله سیلاو تیمی هلی هم کمیسیونگه ایشانمه یدی، بوتیم کمیسیون نی رقیب نامزدی منفعتی گه ساخته کارلیک قیلگن لیککه عیبله یدی. هرچند ایکی تامان هم بو ادعالرنی رد ایته دی. ایکی تیم هم بوجریانگه بیرلشگن ملت لر تشکیلاتی رولی کوپراق بولیشی گه تینگدی، اما حاضر بولردن بیری بیریلگن رول دن خواطرده

اما سیلاولر مستقل کمیسیونی تیزیم گه ایشانچ پیدا بولیشی اوچون احتیاط بیلن بوجریاننی نظارت ایته یاتگن لیگی نی معلوم قیلماقده.

بوحقده بو کمیسیون سوزچیسی نورمحمد نور"سیلاولر مستقل کمیسیونی خادم لریگه بوکمیسیون یوقاری مرتبه لی رسمی لرتاماندن بوجریان نی یخشی آلیب باریلیشی اوچون توصیه قیلینگن، بیرینچی دن ایشانچ پیدا بولیشی لازم، بونینگ عملی بولیشی بیلن، بوجریان هم تیزلشه دی وهم کمیسیون خادم لری جریان نی یخشی باشقریشگه قادر بولگنی نی کورسته دی" دییدی نورجنابلری

جمهور رئیس لیک سیلاونینگ ایکینچی باسقیچی بولیب اوتیشی آرتیدن عبدالله عبدالله سیلاوده کینگ ساخته کارلیک بولگن دیب اعتراض بیلدیریب سیلاوکمیسیون لری بیلن اوز علاقه سی نی اوزیب قویگندی. وسیلاوگه یوزه گه چیققن معما لرسبب مملکت بحران تمان کیتدی.

وضعیت نی نورمال حالتی قیتیشی اوچون بیرلشگن بیرلشگن ملت لر تشکیلاتی وامریکا تامانی بوجریان گه واسطه چیلیک قیله باشله دی.

بوسعی وحرکت لرنتیجه سیده آوازلر تولیق تیکیشیریلیشی باره سیده ایکی نامزد کیلیشیب آلیشدی. اما بوجریان باشله نیشی بیلن آوازلرقنده ی تیکشیریلشی اوستیده اختلاف لرپیدا بولیب بوجریان ایسه تورت مرته توخته تیلیب نهایتده اوتگن یکشنبه کونی قیته باشلندی.

ایندی لیکده ایکی تیم کیلیشیگنی سبب ناتووافغانستان دولتی بوجریان جاری آی اخیریگچه یکونله نیشی گه امید قیلماقده.

بوندن مقصد ینگی سیلنگن جمهور رئیس کیلگوسی بیرنیچه هفته ده بریتانیا نینگ ویلزییغینیده اشتراک ایتیشی بولگن.

عین حالده بیرلشگن ملت لر تشکیلاتی نینگ مخصوص وکیلی یان کوبیش برچه تامان لردن بوجریان توختلمسدن اوزپایانیگه یتیشینی طلب قیلگن.

بو جریان ایشلری 200تیم تاماندن آلغه آلیب باریلیب و یوزلب ایچکی وتشقی کوزه توچیلرتاماندن نظارت ایتیلیب کیلماقده.

حاضرگچه 21000دن ارتیق آواز صندوقلری ولایت لردن پایتخت کابل گه ییتکزیلگن.

قریب 23000آواز صندوقیدن 3000دن آرتیق آوازصندوقلری تفتیش ایتیلگن.