فاریاب نینگ پشتونکوت وقیصارتومنلریده 11 قوراللی مخالف اولدیریلگن

فاریاب نینگ پشتونکوت و قیصار تومنلریده قوراللی مخالفلر و دولت کوچلری اورته سیده یوز بیرگن توقنه شووده 11 طالب و ایکی محلی پولیس هلاک بولگن و طالبان نینگ بیر مشهور قوماندانی قولگه آلینیب، باشقه 17 نفر یره لنگن.

بو ولایت امنیه قوماندانلیگی خوفسیزلیک آمری محمدنعیم اندرابی ایتیشیچه، اوتگن کون ایرته لب اونلب قوراللی طالب پشتونکوت تومنی گه قره شلی خواجه موسی نینگ بادقاق منطقه سیده گی خوفسیزلیک پوسته لرگه هجوم قیلیشگن.

اونگه کوره، محلگه قوشیمچه کوچلر ییتیب کیلگنی آرتیدن قوراللی طالبان محل نی ترک ایتیشگه مجبور بولیب، قاچیب کیته یاتگن چاغلریده محلی پولیس لردن ایکیته سینی اوق آتیب اولدیریشگن. بو اولدیریش نتیجه سیده توقنه شوو عملگه آشیریلیب، طالبانلردن اوچته سی نابود قیلینگن.

محل ده گی آدملرمطبوعاتگه بیلدیریشلریچه، طالبان بوگون ایرته لب قاری بشیر رهبرلیگیده گی طالبان پیستیرمه ده قوماندان سلام اسملی قوماندان نینگ یقینلریدن بولگن ایکی محلی پولیس نی اولدیریشگن. اما مذکور قوماندان نفرلری قاری بشیرنینگ آنه سی، اوغلی و 8 آیلیک حامله سینگلیسینی قتل ایتگن.

اما پشتونکوت تومنی حاکیمی گه کوره، تینچ اهالیسی تلفاتی باره سیده خبر بیریلمه گنی نی ایتیب، فقطگینه بیر 13 یشر باله یره لنگن.

قیصار نینگ زوره ی منطقه سیده گی روی بیرگن باشقه بیر توقنه شووده 8 طالب اولدیریلگن و اوچ نفر طالب قولگه آلینگنی ایتیله دی.

قیصار محلی پولیس قوماندانی نظام الدین نینگ ایتیشیچه، اولر مذکور تومن نینگ چهلگزی و دوآبی منطقه سیده طالبان نینگ 40 نفرلیک پیستیرمه سیگه دوچ کیلیب، اورته لریده بیر ساعت گچه توقنه شوو دوام ایتدیریلگن و نتیجه ده 8 طالب نابود قیلینگن.

اما فاریاب امنیه قوماندانی مسووللری اوچ نفر قولگه آلینگنی نی تصدیقله گن.

طالبان هم پشتونکوت و قیصار تومنلریده گی توقنه شوولرباره سیده بیرار نرسه دیمه گنلر.