افغانستانده گی ناقرارلیک لرده 6پلیس و9عصیانچی هلاک بولگن

Image copyright

ارزگان ولایتی رسمی لری اوتگن کیچه بیر پلیس اوز آلتی صفداشی نی بیرینچی دن زهرلنتیریب کیین قتل ایتگن.

افغانستان جنوبیده جایلشگن ارزگان ولایتی رسمی لری بو ولایت مرکزیده بیرپلیس دستلب اوز صفداشلریدن 7نفرنی زهرلنتیریب کیین اولردن 6ته سینی اوققه توتیب اولدریب وبیرنفرینی هم یره لنتیرگنی باره سیده خبربیرگن لر.

ارزگان ولایتی نینگ جنایت ایش لری بوییچه مدیری گلاب خان بوحادثه نی تصدیقلب بوواقعه پلیس قرارگاهیده یوزبیرگنی نی ایتدی.

اونینگ ایتیشیچه هجوم بیلن بوقرارگاهده 8کیشی بولیب آلتی نفری اولیب وبیرنفری هم یره لنگن.

هجومچی اوزی بیلن قرارگاهده گی برچه قورال یراغ لرنی هم آلیب کیتیشگن

ارزگان ولایتی شفاکارلری بوعسکرنی ساغلیق احوالی آغیرایکنلیگی نی ایتگن لر.

اوز ایچلریدن اوزلریگه قرشی اویوشتیریله یاتگن هجوم حاضر افغانستانده خارجی وافغان کوچلری اوچون خوفلی مساله گه ایلنگن.

اوتگن کونی کابل بیلیم یورتیده ملی اردو کییمیده بولگن بیرکیشی اوق اوزیب نتیجه ده بیر امریکالیک جنرال هلاک ایتیلیب وباشقه 15نفرهم یرلنگندی.

بوندن تشقری افغانستان جنوب شرقیده جایلشگن پکتیا ولایتی ده افغان کوچلری بیلن عصیانچی اورته سیده روی بیرگن توقنه شووده 9قوراللی هلاک ایتیلگن.

پکتیا ولایتی پلیس رهبری زلمی اوریا بی بی سی گه بوگون ایرته لب ساعت 5:30ده پلیس قرارگاه لریدن بیریگه اونلب قوراللی هجوم قیلیشگنی نی ایتیب ایکی تاماندن اورته سیده دوام ایتگن اوروش عاقبتیده اولدیریلگن قوراللی دن تشقری 10نفرهم بوگروه دن تن جراحتی آلیشگن.

اونینگ ایتیشیچه بو توقنه شوو اوچ ساعت دوام ایتیب اوچ حکومت عسکری هم یره لنگن..