سیلاو بحرانیگه ایچیم یولینی تاپیش اوچون جان کری کابل گه سقر قیلدی

Image copyright AFP GETTY

امریکا تشقی ایشلر وزیری جان کری افغانستانده بولیب اوتگن سیلاو لر آرتیدن یوزه گه کیلگن بحران گه ایچیم تاپیش اوچون کمک اوچون پایتخت کابلگه ایتیب بارگن.

امریکا تشقی ایشلر وزیری پنچشنبه کونی(16 اسد) افغانستان جمهور رئیس لیک سیلاویده نامزد لردن عبدالله عبدالله و اشرف غنی احمدزی بیلن اوچره شی کوتلماقده.

سیلاو آرتیدن چیققن جنجللرگه ایچیم یولینی تاپیش اوچون جان کری بوندن بیر آی مقدم هم افغانستانگه سفر قیلگن ایدی.

کری جنابلری سیلاو نامزدلری بیلن سیلاو آواز لرنی تیکشریش جریانی و "ملی بیردملیک" دولت نینگ

تشکیل ایتلیشی خصوصیده صحبت قیلیشی نظرده توتلگن.

عینی دمده امریکا تشقی ایشلری وزیری افغانستان جمهور رئیسی حامد کرزی و بیرلشگن مللت لر تشکیلاتی وکیلی بیلن هم اوچره شیش ریجه لنگن . اونینگ سفر نتیجه سی یرته گه مطبوعاتده اعلان قیلینشی کوتلماقده .

جان کری اوزی نینگ ایلک سفریده افغانستان ده کی سیلاو نامزد لری بیلن سیلاو آواز لرنی تیکشریش و ملی بیردملیک حکومت نینگ ایجاد ایتلیشیگه کیلشگنینی اعلان قیلگن ایدی. شو سبب باعث او افغانستان جمهور رئیسی حامد کرزیدن، ینگی جمهور رئیس نینگ قسم یاد گه کیلتریش مراسمینی بیر آییگچه کیچیکترلیشنی طلب قیلگندی.

افغانستان جمهور رئیسی حامد کرزی ایسه سیلاو نتیجه لری جاری میلادی آی نینگ آخریگچه اعلان ایتلیشنی طلب قیلگن .

حالا، حامد کرزی گفته است که باید نتایج انتخابات تا آخر ماه جاری میلادی یعنی تا کمتر از ۲۴ روز دیگر اعلام شود.