اوزبیک یازووچی عبدالعزیز دهقان عالم دن اوتدی

یازووچی عبدالعزیز دهقان میه چیقه لیشی کسللیگی عاقبتیده کابلده گی شفاخانه لریدن بیریده عالم دن اوتدی. 52 یاشلی دهقان نینگ

ایککینچی اوغلی احمدجاویدنینگ بی بی سی گه ایتیشیچه، آته سی بوندن آلدین شکر کسللیگیگه چلینگن ایدی.

دهقان بلخ تومنیده گی بیر کمبغلل عایله ده دنیا گه کیلگن. مکتب نی اوز محله سیده گی صدر آباد مکتبیده بیتیریب، تورلی معمالر سبب

عالی تعلیم گه ایگه بوله آلمه گن. او عمر دوامیده دولت نینگ تورلی خیل رسمی ساحه لریده ایشلب کیلگن.

اما بو ایشلر یانیده ادبیات و شعر گه قیزیقیشی کته بولگنی سبب، قطار کتابلر ، مقاله لر و ادبی صحنه لر یازیب قالدیرگن.

اونینگ مقاله و شعرلری یولدوز، بیدار، ندای اسلام و باشقه نشرلرده چاپ ایتیلگن. دهقان نینگ رزم آوری از تبار بهادران و ارسلان ناملی ایکی داستان اثری همده احسن الروایات فی مناقب اولیا والسادات تحقیقی بیر اثری حاضرگه قدر چاپدن چیققن. عبدالعزیز دهقان، بلخ یازووچیلر ، افغانستان ژورنالیستلری انجمنی، میرعلیشیرنوایی و افغانستان تورکلر رواجلنتیریش مدنی بنیادی اعضاسی بولگن.

اونینگ شاعر بابا مشرب گه اخلاصی کته بولگنی باعث، حیاتیده اونی مشرب نینگ قبری یانیده دفن قیلیشینی وصیت قیلگن. اوغلی احمدجاوید گه کوره، اونی وصیتیگه بنآ، مشرف یانیده دفن قیلیشگن