طالبان چهارباغ تومنی جنایی و سارنوالینی یولدن اوشلب کیتیشدی

فاریاب ولایتی خان چهار باغ تومنی نینگ جنایی اداره سی آمری و قاره لاوچیسی قوراللی طالبان نینگ قولیگه توشگن.فاریاب خان چهار باغ تومنی نینگ بو ایکی ملازمی بوگون ایرته لب ساعت اون بیر اطرافیده طالبان قولیگه توشگن.

معلومات لرگه کوره ، بو ایککی ملازم اندیخوی گه تحقیقات اوچون کیته یاتگن بیر چاغده قوراللی طالبان نینگ قولیگه توشگن.

خان چهارباغ تومنی حاکمی محمداکبر ایزگین نینگ بی بی سی ایتیشیچه، طالبان اولرنی خان چهارباغ و اندیخوی قتناو یولی اورته سیده اوشلب کیتیشگن.

خان چهارباغ حاکمیگه کوره، اولر محل آقساقاللری نینگ واسطه چیلیگی بیلن قاره لاوچی و جنایی آمرینی طالبان قولیدن آزاد ایتیشده سعی و حرکت باشله گنلر.

اما فاریاب امنیه قوماندانلیگی خوفسیزلیک اداره سی آمری محمدنعیم اندرابی، مذکور ملازملرنی آزاد ایتیش اوچون، محلگه حربی کوچلر سفربیر قیلینگنی دن خبر بیردی"تورت تومن امنیه قوماندانلریگه محل نی قورشاوگه آلیشگه دستور بیردیک.اولر حاضر دشت لیلی ده تینتوو قیلیشماقده. او ییرده تیلفون آنتنلری ایشله مه گنلیگی باعث، بو عملیات نیتجه سیدن حاضرگچه معلومات بیریلمه گن".

خان چهارباغ حاکمی گه کوره، بو تومن فاریاب نینگ اینگ تینچ تومنی حسابلنردی، اما یقین کونلرده او ییرده هم قوراللی مخالفلر فعالیت قیلیب، تینچ لیک نی برهم اوریشماقده.

بوندن اوچ کون آلدین قوراللی طالبان فاریاب شیرین تگاب تومنی ملی خوفسیزلیک آمرینی هیداوچیسی بیلن مزارشریف تمان کیله یاتگن بیر چاغده نشانگه آلیب اولدیردی.