شبرغان قماقخانه سیده 24 نفر سیاسی محبوس اعتراض بیلدیردی

محبوسلر پولیس اولرنی جوزجان قماقخانه سیدن مزارشریف قماقخانه سیگه اوتکزه یاتگن بیر چاغده، پولیس بیلن توقنه شیب، نتیجه اولردن اوچ نفری یره لنگن.

جوزجان پولیس مسووللری، محبوسلر پلچرخی قماقخانه سیگه اوتکزیلیشی نی گمان سیرب، پولیسگه قرشیلیگ بیلدیرگنی نی ایتگن.

مذکور محبوسلر ساعت اون ایکی ده اعتراض باشلب، اعتراضلری اوچ ساعتگچه دوام ایتدیریلگن.

بو توقنه شووده شونینگ اولر اوچون سواد اورگه تیش خادیر خیمه لر اوتگه یاندیریلگن.

جوزجان امنیه قوماندانلیگی مسووللری، محبوسلرنینگ ایستک ـ اعتراضلرینی انبابتگه آلیب، حبس مدتلری و جنایتلری جوزجان ده تحقیق ایتیلیشی باره سیده کیلیشیب آلینگنینی ایتگن.

پولیسگه کوره، اعتراض بیلدیرگن محبوسلر قماقخانه ده گی باشقه محبوسلرنی هم اعتراضگه چقیریب، ایکی نفرنی یره لنتیرگن.

ایتیلیشیچه، محبوسلردن هیچ بیری قورال اسلحه گه ایگه بولیب، قورال سیز شکلده اعتراض بیلدیریشگن.

جوزجان قماقخانه سیده سرپل محبوسلری هم سقلنه یاتگنی ایتیله دی. قماقخانه مسووللری، مذکور محبوسلر بوندن آلدین شبرغان تورمه سینی پارتلشده هم قرار آلگنی نی ایتگن.

جوزجان قماقخانه سیده حاضرگی کونده 900 محبوس قماق جزاسینی اوته ماقده. بولردن 70 ته سینی عیال لر تشکیل بیره دی.

بوندن اوچ ییل مقدم هم جوزجان محبوسلری اعتراض بیلدیریب، نهایت قماقخانه مدیری نینگ استعفاسیگه سبب بولگندی.