سیلاو ایککله تیم تمانیدن تشکیل ایتیلگن قوشمه کمیسیون ایشگه باشله دی

Image copyright AFP

سیلاو نتیجه لری اعلان ایتیلگنیدن سونگ، ایککی تیم نینگ اشتراکی بیلن ملی بیردملیک دولت تشکیل ایتیش اوچون اولر تمانیدن تشکیل ایتیلگن قوشمه کمیسیون ایشگه باشله دی. بو تیملر نماینده لری کمیسیون ایشی نتیجه بیریشگه امید بیلدیردیلر.

بوندن آلدین جمهور رییسلیک سیلاو نامزد لری آره سیده ملی بیردملیک دولت ایجاد ایتیش مقصدیده کیلیشوو بیتمی امضالندی. تشکیل ایتیلگن قوشمه کمیسیون بیتیم تفصیلاتی باره سیده بحث آلیب باره دی. چونکی ملی بیردملیک دولت ایجاد ایتیش تفصیلاتی کیلشوو بیتمیده آچیقلنمه گن.

تشکیل ایتیلگن قوشمه کمیسیون نینگ اوتیز نفر اعضاسی بولیب ایشی بیرهفته دوام تارتیشی کوتیله دی.

ایککی تیم سوزچیلری فاضل سنچارکی و فیض الله ذکی بوگون ایرته لب کابلده مطبوعات انجمنی اویوشتیریب، قیسقه صحبت دن سونگ خبرنگارلرسواللریگه جواب قیتردی.

بوندن مقدم ایککی سیلاو تیمی کیلشوو بیتمیدن مقصد نیمه بولگنی حقیده فرقلی فکرلر بیلدیرگن ایدی، لیکن قوشمه کمیسیون بوکونگی اوتکزگن مطبوعات انجمنیده حاکمیت نی تقسیملش و وزیرلر تعیین ایتیلیشی خصوصیده هیچ قنده ی تفصیلات بیرمی، ایککی تیم هم ملی بیردملیک حکومتیده حصه قوشیشینی اورغولب، اجراییه رییس صلاحیت لری هم بحث لر جریانیده معلوم بولیشینی تاکیدله دی.

سنچارکی و ذکی جنابلری قوشمه کمیسیون نینگ ملی بیردملیک دولت ایجاد ایتیش اوچون نهایی بیر خلاصه گه ایرشیشگه امید بیلدیریب، بو کمیسیون ایشی باشلنیشیدن خوشبینلیک اظهارایتدیلر. همده اولر آلدین رقیب بولگن ایکی بیر تیمگه ایلنگنینی ایتدی.

باشقه تاماندن رآیلرنی تیکشیریش جریانی ایکی سیلاو تیمی اره سیده پیدا بولگن قرشیلیک لر باعث قریب توقسن دقیقه توختب قالگنی ایتیلدی.

مستقل سیلاو کمیسیون کمیشنرلریدن محمد حسین گرزوانی کتته جنجال یوزبیرمه گنینی ایتیب، علیحده تیکشیریش اوچون عبدالله تیمی تامانیدن رای صندوقلری اجره لیب اما مقابل تیم تمانیدن صندوقلر اجره لمه گنی اساسی عامل دیب فکربیلدیردی.

اونگه کوره، علیحده تیکشیریش اوچون ایککی تماندن هم رای صندوقلری اجره لب کمیسیون تامانیدن تصدیق لنگنیدن سونگ علیحیده تیکشیریش اوتکزیله دی.

بوندن آلدین هم ایککی سیلاوتیم آره سیده پیدا بولگن قرشیلیکلر سبب رایلرنی تیکشیریش جریانی نیچه مراتبه توخته تیلگن ایدی.

شونینگ دیک مستقل سیلاو کمیسیون سوزچیسی نور محمد نور بوکونگی اوتکزگن مطبوعات انجمنیده حاضرگه قدر7857 رای صندوقی تیکشیریلگنینی ایتیب رایلرنی بیکار قیلیش جریانی ایرته باشله نیشی ممکن لیگینی ایتدی.