سیلاو تقدیرینی انیق لاوچی آلتی مینگ صندوق قیته سنله دی

Image copyright

افغانستان مستقل سیلاو کمیسیونی ایککی سیلاو تیمی تمانیدن انیق لنگن آلتی مینگ آواز صندوق لرنینگ تیکشیرلیشی و قیته سنه لیش ایشنی باشله ماغچین.

بو آلتی مینگ صندوق حاضرگچه تیکشیرلمی قالگن، تیکشیرلیشی و قیته سنه لیش آرتیدن ، نهایی سیلاو نتیجه لریگه قوشیلیشی ایتلگن.

مستقل سیلاو کمیسیونی سوزچی سی نور محمد نور نینگ ایتیشیچه بو صندوق لرنینگ نتیجه سی هر ایککی تیم نینگ تقدیرینی انیق لیدی.

نور جناب لری نینگ معلوم قیلیشیچه هر بیر تیم اوچ مینگ صندوق نینگ تیکشیرلیشنی انیق لشتیرگن.

ایککی سیلاو تیمی تمانیدن انیق لنگن بو صندوق لر، تقلب روی بیرگن محلردن بولگنی ادعا قیلنگن .

حاضرگچه 23 مینگ صندوق دن 9 مینگ صندوق آواز لر قیته کوریب چیقیلگن .

مستقل سیلاو کمیسیونیگه کوره قالگن آواز لر یقین بیر آره ده حساب لنه دی .

افغانستان جمهور رئیس بوندن بیر کون اول کیله سی 15 کونگچه سیلاو تقدیری نینگ انیق له نیشی و ینگی جمهور رئیس اوز ایشیگه باشله شی کیرک دیب تاکید له گن ایدی.

عینی دمده هر ایککی سیلاو تیمی " ملی بیردملیک" حکومتنی تشکیل ایتیش اوچون مخصوص کمیسیون قوریب ایشگه باشله گن لر.