افغانستان شمال غربیده یوزبیرگن ترافیکی حادثه 33کیشی دن جان آلدی

بومملکت نینگ حلقوی یولی اوستیده جایلشگن بادغیس ولایتی یولی ناتینچ لیک لر سبب قوریلیش ایشی بیتمه گن.

بادغیس ولایتی رسمی لری نینگ بیلدیریشیچه بو ولایتده یوزبیرگن ترافیکی حادثه سبب 33نفرهلاک بولیب و13کیشی هم یره لنگن.

بادغیس حاکمی سوزچیسی میرویس میرزاکوال بی بی سی گه بوحادثه اوتگن کونی کیچقرون بوولایت نینگ آب کری تومنیده یوزبیرگنینی ایتدی.

میرزا کوال جنابلریگه کوره تورت خاندان اعضالری خاور رسومیده بولگن نقلیه واسطه ده مینیلگن پیتده یولدن اوزنقلیه واسطه لری قولب توشگن.

بو حادثه ده یره لنگن لراحوالی آغیرلیگی ایتیلیب وایکی نفری ایسه دواله نیشی اوچون غربی هرات ولایتی ده آلیب باریلگن.

محلی رسانه لرنینگ خبر بیریشیچه بو واسطه ده مینیلگن یولاوچیلردن باشقه بونقلیه واسطه ده یوک هم بولیشگن.

بوندن آلدین کابل جلال آباد شاه یولیده ترافیکی واقعه یوزبیرگنی سبب اینگ آز ییتی نفر اولیب وباشقه اون سکیزکیشی هم یره لنگن ایدی.

بومملکتده شونگه اوخشش واقعه لر تیز- تیز یوزبیریب توره دی، بونگه تیزهیده ش و ترافیکی قاعده وقانون تولیق رعایت ایتیلیمسلیگی سبب قیلیب کورسه تیله دی.

یوللرنینگ یوزیلیشی ویوللرده معیارلرگه برابر ترافیکی بیلگی لر بولمه گنی ترافیکی واقعه حاللری آشیب باریشیگه سبب بولگن.

معلومات لرگه کوره میلادی 2005ییلدن 2012 ییل گچه ترافیکی حادثه لرنتیجه سیده 35نفراوزجانی نی قولدن بیریشگن.