"کانلرقانونی عملده جاری ایتیلگن تقدیرده مملکت اقتصادجهتدن آیاققه توره دی"

Image copyright Getty

بوگون افغانستان کانلر واقتصاد وزیرلیک لری تاماندن کانلر قانونی یولگه قوییلگن بیرانجمن آرقه لی تنیشتیریلدی.

جنجللرگه سبب بولگن بوقانون بوندن قریب بیر هفته آلدین افغانستان جمهور رئیسی حامد کرزی تاماندن امضالندی.

بو قانوننی تنیشتیرشدن مقصد کانلرساحه سیده خارجی لرسرمایه یاتقیزیش میزانی نی آشیریش بولگن.

بوانجمنده ییرآستی بایلیک لری بوییچه مملکتده گی توزیلگن ایلک قانوننی تنشتیریشلگن.

افغان حکومتی بو قانوننی امضاله نیشی نی دولت اوچون کته یوتوق دیب وملت وکیللری بونی تصدیقله گن لرینی اوته مهم دیب ایته دیلر.

افغانستان کان لر وزیری محمد اکبر بارکزی بوقانون افغانستانگه خارجی وایچکی ییریک سرمایه لرنی جلب ایتیشینی ایته دی وبوبیلن قشاق لیک نی آلدینی آلیش اوچون میلیون افغان لرگه ایش اورین لرینی یره ته دی.

افغانستان اقتصاد وزیری عبدالهادری ارغندیوال گه کوره امریکا تاماندن اوتکزیلگن تیکشیرووده افغانستان قلمروی نینگ فقط گینه 30فایزگه 3ترلیون دالرمبلغی گه تینگ ییربایلیک لری موجود بولگن.

اوبو تیکشیرووده تورکمنستان چیگره سی یقنیده جایلشگن ایکی گازکانی شامل بولمه گنی نی معلوم قیلدی.

افغانستانده گی کانلر بهاسی قیلینگن تخمین لردن اوته یوقاری دیب تیلگه آلینه دی.

شونینگ دیک ارغندیوال جنابلری بوکانلرنی قزیب چیقریشگه کوپ زمان کیره کلیگی نی ایتدی، بیراق کانلر قانونی عملده جاری ایتیلیشی بیلن کیلگوسی اون ییلگچه خارجی لریاردمی گه احتیاج بولمسلیگی نی بیلدیردی.

افغانستان کانلر قانونی 20فصل 117ماده دن عبارت بولیب بیرقطار ملت وکیللریگه کوره بونینگ تصدیقله نیب وامضاله نیشی گه قرشی کیشی لر هم حکومتده وهم ملی کینگشده بولیشگن.

قانون کوچگه کیرگن تقدیرده بویولدن ناقانونی منفعت قولگه کیلتیره دیگن شخص لرنینگ آلدینی آلینه دی.

اما قانون نهایی بولیشیگه قره مسدن مملکتده گی نابرقرار وضعیت سبب بیرقطارلرایسه بوبایلیک لرتکین قولدن کیتیشیدن تشویشده لر.

حاضرگی کونده کانلرنینگ بیر قسمی اوز سرمایه لرینی آشیریش نیتیده بولگن نفوذلی بیرقطار کیشی لرتصرفیده بولیب ناقانونی روشده ایشلب چیقرماقده لر.