اشرف غنی احمد زی: اجرائیه لوازمی کوزگه کورینرلی صلاحیت درجه سیگه ایگه

افغانستان جمهور رئیس لیک نامزدلریدن اشرف غنی احمد زی تشکیل ایتیله دیگن اجرائیه لوازمی نینگ صلاحیتی درجه سی کوپ بولگنی نی معلوم قیلدی.

احمد زی جنابلری بی بی سی بیلن بولگن صحبتیده اجرائیه لوازمی نینگ صلاحیت دایره سی گه عاید تفصیلات لرباره سیده عبدالله عبدالله بیلن کیلیشیلگنی نی ایتدی.

بولوازم کیلگوسی ایکی ییلده باش وزیرلیک لوازمیگه ایلنیشی ممکن. بولوازم سیلاونی بحران دن چیقریش اوچون جان کری واسطه چیلیگی بیلن ایکی نامزد اورته سیده کیلیشیلگن مهم مساله لردن بیری ایدی.

احمد زی جنابلری بی بی سی بیلن بولگن صحبتیده اجرائیه لوازمی نینگ صلاحیت دایره سی گه عاید تفصیلات لرباره سیده عبدالله عبدالله بیلن کیلیشیلگنی نی ایتدی.

احمد زی جنابلری سیلاو غالبی بولگن حالده رقیب نامزدی اجرائیه لوازمی نی قبول قیلیشیگه امید بیلدیردی.

اوکیلگوسی حکومت نینگ ایشلری ایکی کیشی یقین همکارلیکده بولیشی بیلن یخشی آلغه سیلجیشی تاکیدله دی.

اونگه کوره عبدالله جنابلری لوازمگه ایشلشنی خواه له مه گن تقدیرده باشقه بیرکیشی نی تعیین لش صلاحیتی جمهور رئیسگه تیگیشلی بولگن.

بوندندن آلدین ایکلله نامزد امریکا تشقی ایشلر وزیری جان کری حضوریده اوتکزیلگن ییغینده امضاله گن قوشمه بیانات گه کوپ آوازآلگن نامزدجمهور رئیس بولیشی ممکن وغالب بولمه گن نامزدبیلن ملی بیردملیک حکومتی نی تشکیل بیریش لری کیریتیلگن.

افغانستان جمهور رئیسلیک سیلاویگه عاید آوازلرنی تیکشیریش جریانی دوام ایتماقده، اما حاضرگچه شبهه آستیده بولگن آوازلرنی بیکار ایتیلیشی باره سیده قرارآلینمه گن.

احمد زی جنابلری حاضرگچه سیلاو نتیجه لری قیسی تاریخده اعلان ایتیلیشی انیق بولمه گنی ایتیب بریتانیا نینگ ویلزشهریده ناتورهبری ییغینیده ایکلله نامزد هم احتمال بیلن حصه قوشیشی ممکن لیگی نی تاکیدله دی.

عین حالده ایکلله تیم ملی بیردم لیک دولتی نینگ توزیش لایحه سی اوستیده مذاکره لراوتکزماقده لر.