قندوز پلیسی : مردم همکارلیگی بیلن طالباننی ایکی تومندن هیدب چیقردیک

Image copyright

شمالشرقی قندوز ولایتی پلیس اداره سی بو ولایت چهاردره تومنی نینگ اوندن آرتیق قیشلاغی طالبان عصیانچیلریدن نظارتیدن تازه لگنینی ایتگن. اما چهاردره تومن یشاوچیلری حاضرگه قدرهم ایریم قیشلاقلر طالبان نظارتیده ایکنینی ایتیشگن.

عین حالده، قندوز ولایتی خان آباد تومنی یشاوچیلری طالبانگه قرشی عصیان کوتارگنو بو حادثه ده طالبان اون نفر هلاک بولگن. کنرده هم مردم طالبانگه قرشی عصیان کوتارگن. وشمالی فاریاب ولایتیده طالبان و پلیس کوچلری اورته سیده توقنه شوولر همان دوام ایته یاتگنی حقیده خبر قیلینگن.

سونگی بیرهفته جریانیده شمالی شرقی قندوز ولایتی نینگ ایریم تومنلری قتیق اوروشلرگه گواه بولیب کیلماقده. جمله دن چهاردره تومنی. بوتومنده یوزلب طالبان عصیانچیلری امنیتی پوسته لرگه هجوم قیلیب، بیرقنچه قیشلاق لرنی تصرف ایتگن ایدی. قندوز ولایتی پلیس اداره سی سوزچیسی سرورحسینی یولگه قوییلگن مذکور حربی عملیات نتیجه سیده اوندن آرتیق قیشلاق طالبان تصرفیدن تازه لنگنینی ایتیب، بوحقده شونده ی دیدی": اوتگن کیچه چهاردره تومنیده یولگه قوییلگن حربی عملیات ده سککیز قورالی طالب هلاک و اون بیر طالب تن جراجتی آلگن،بو عملیات لر جرایانیده اون قیشلاق طالبان دن تازه لندی، اوچ قوشیمچه امنیتی پوسته ایجاد ایتیلدی، اوروشلر باعث اویلرینی ترک ایتگن اهالی اصلی مینطقه لریگه قیتب بارگن، حاضر وضعیت بو تومنده عادی حالت گه قیتگن.”

اما چهاردره تومنی ایریم یشاوچیلری حاضرگه قدرهم بیرنیچه قیشلاق طالبان نظارتیگه ایکنینی ایتگن. اوشبو تومن یشاوچیلریدن فضل من الله بیرنیچه قیشلاق ده طالبان تولیق حاکم ایکن لیگینی تیلگه آلدی.

" چهارده تومنی نینگ ایریم حدودلری طالبان نظارتیدن چیقه ریلگن، لیکن بیز یشدیگن سرک بالا ناملی محلله لر حاضرگه هم طالبان قولیده، اولر بی ملال بو منطقه بازاریده کیلیب سودا آله دیلر. مردم بیلن مناسبت لری یمان ایمس."

عین دمده، قندوز ولایتی خان آباد تومنیده هم طالبان و مردم آره سیده توقنه شوو یوزبیرگن. قندوز پلیسی گه کوره طالبان بیرنیچه قیشلاق گه هجوم قیلگنیدن سونگ مردم اولرگه قرشی عصیان کوتارگن. نتیجه ده اوندن آرتیق عصیانچی هلاک بولگن. طالبان گه قرشی هجومنی رهبرلیک قیلگن قوماندانلردن بیری محمد یوسف ارجال بوحقده شوندی دیدی: "طالبانگه قرشی هجوم قیلدیک، اولرنینگ ایریم لری یوزبیرگن اوروشلرده هلاک بولدی، قالگن لری هم قاچیب قوتیلدی. طالبان عصیانچیلری اقسقاللریمیزنی اولدیرگن مردم نینگ ازار اذیت قیله دیلر. شو اوچون بیز مردم همکارلیگی بیلن اولرگه قرشی عصیان کوتاردیک:"

شونینگ دیک، شرقی کنر ولایتی نینگ ناری تومن محل یشاوچیلری طالبان مرکزلریگه هجوم قیلیشگن. اوشبو تومن حاکمی محمد رحمان دانش بو حادثه ده تورت پاکستانلیک طالب هلاک بولگنیدن خبربیردی.

ناری تومنی ایریم یشاوچیلری مردم و طالبان اره سیده یوزبیرگن بو توقنه شوودن سونگ تومن بازاری یولی یاپیلگنینی ایتگنلر.

معلوماتلرگه کوره، سونگی بیرنیچه هفته جریانیده افغانستان نینگ بیرنیچه ولایتیده طالبان عصیانچیلری انچه فعال بولگنف اما قندوزده طالبان قوراللی لری نینگ فعالیتی کینگیتیب کیتگنی باعث، مدافعه وزیری نینگ اوشبو ولایتگه سفر قیلیشگه مجبور لنتیردی.

هرچند محلی مقاملر بو سفردن سونگ وضعیت انچه یخشی بولگنینی ایتماقده لیکن هلی هم طالبان وافغان امنیتی کوچلری اره سیده توقنه شوولر دوام ایتیب کیلماقده.