یوناما تفتیش جریانی معما چیقمسدن نهایه تاپیشیگه ایشانچ بیردی

افغانستان جمهور رئیس لیک سیلاویگه عاید آوازلرنینگ تیکشیریش جریانی عبدالله عبدالله سیلاوتیمی جریانگه قوشیلیشدن باش تارتگنی اوچون توختلیب قیته توشدن کیین باشلندی.

افغانستان سیلاولر مستقل کمیسیونی گه کوره ایکلله تیم غیابیده بوجریان بیرلشگن ملت لرتشکیلاتی وایچکی وخارجی نظارت چی لری حضوریده باشلنگن.

عین حالده بیرلشگن ملت لرتشکیلاتی جریان توختلمسدن یکون تاپیشی باره سیده تاکیدله ماقده.

بوندن بیر کون آلدین عبدالله عبدالله سیلاو تیمی جریان شفاف بولیشی اوچون بوگون ایرته لب گچه اولرتکلیف لری قبول قیلینمه گن تقدیرده بوجریان نی بایکوت ایتیش لری بیلن آگاه لنتیرگن ایدیلر.

رایلرنی بیکار قیلیش وتیکشیریش جریانی توشدن کیین ایککی نامزد تخینکی تیملری بولمسدن توریب قیته باشلندی.

عبدالله عبدالله سیلاوتیمی جریانگه اعتراض بیلدیریب جریان نی تحریم قیلدی.

اما اشرف غنی سیلاوتیمی یوناما تکلیفی اساسیده جریاننی نظارت ایتمه دی.

یوناما نینگ ایتیشیچه، بوندن آلدین ایککی نامزد اورته لریده گی کیلشوو اساسیده جریان دوام ایتیب نیتجه سینی قبول قیلیشگه سوز بیرگن لر.

یوناما نینگ افغانستانده گی وکیلی اورین باسری نیکلاس فنک هیسوم مخصوص کنفرانس اوتکزیب عبدالله عبدالله نینگ برچه طلب لری انابتگه آلینگنینی اورغولب اونینگ اعتراضیگه اورین یوق لیگینی تیلگه الدی.

افغانستان مستقل سیلاولر کمیسیونی حاضرسیلاوجریانی عادی شکلده دوام ایتیب، بوگونگی آوازلرنی بیکارایتیش ییغینده قریب 2500 محلدن مینگلب اواز بوگون بیکار قیلینگنینی اعلان قیلدی.

بوکمیسیون اورین باسری عبدالرحمن هوتکی بوحقده شوندی دیدی"نظارت چی لر حضوریده بیرلشگن ملت لر تشکیلاتی وخلق ارا نظارتچی لر حضوریده بیکارایتلگن محللرقطاریگه کیرگن، نتیجه ده 9797آواز بیکار قیلیندی.

بوجریان بودوربیلن 5مرته دن بیری توخته تیله دی، لیکن تورت مرته سی ایسه یوناما وامریکا نینگ واسطه چیلگی بیلن پیدا بولگن قرشی لیک لرنامزدلر اورته سیده حل ایتیلیب جریانده ایکی تیم اشتراکی بیلن قیته باشلنگندی.

اشرف غنی احمدزی تیمی جریان شفاف بولیب نهایه تاپیشی اوچون کمیسیوننی ترک ایتگنلرینی ایتدی.

بوتیم اعضالریدن داوود سلطان زوی گه کوره سیلاوباره سیده بیرلشگن ملت لرتشکیلاتی نینگ بوتکلیف نی قبول قیلگن لر."جریان شفافلیک وتیزلیکده یکون تاپیشی اوچون یوناما نینگ ایلگری سورگن تکلیفی نی قبول قیلدیک ،اما شرط لر بیلن، بوایسه جریان برچه ایچکی وتشقی نظارتچی لرتاماندن کوزتیلیشی بولگن، همده بیزبوجریاننی کوزه تیب توره میز، کوریلینگچی نیمه بوله دی، اگربیرلشگن ملت لرتشکیلاتی یاخلق لرکوزه تووچیلربیرته خطاگه هم یول قویسه جواب بیریشگه مجبورلر" دییدی

عین حالده عبدالله عبدالله آوازلرنی بیکار ایتیش جریانی طرزالعمل بیلن قرشی بولگنی نی ایتیب بوجریان اونینگ تیمی گه قبول قیلینه دیگن ایمس دیب ایتگن.

بوندن بیرکون آلدین عبدالله عبدالله سیلاوتیمی جریان شفاف بولیشی اوچون کمیسیون وبیرلشگن ملت لر تشکیلاتی بیرقنچه تکلیف لریگه اعبتاربیرمه گن لری نی معلوم قیلگن دی.

بوتیم اگراولرنینگ تکلیف لری بوگون ایرته لب گچه قبول ایتیلمه گن تقدیرده جریانگه قوشیلمی وسیلاو نتیجه سینی هم قبول قیلمسلیک لری بیلن آگاه لنتیرگن دیلر.