محقق: ملی بیردملیک حکومت تشکیل ایتیش اوچون سیاسی جریان توخته تیلمه گن

ایککینچی دور سیلاو نامزدی عبدالله عبدالله نینگ ایککینچی اورین باسری محمد محقق بی بی سی بیلن بولگن صحبتیده ملی بیردملیک دولت تشکیل ایتیش اوچون ایککی تیم آره سیده حاضرهم صحبت لر دوام ایتیب کیله یاتگنینی ایتدی.

شونینگ دیک محقق جنابلری اصلاحات و همگرالیک تیمی نینگ تفتیش جریانیگه اشتراک ایتمه گنینی تیلگه آلیب نتیجه سی هم هرقندی بولسه قبول قیلمسلیک لری بیلن آگاه لنتیردی ،اما او سیاسی جریانگه مخالفت بیلدیریلمه گنلیگینی ایتیب صحبت لر دوام ایتیب کیله یاتگنی باره سیده فکر بیلدیردی.

عبدالله عبدالله سیلاو تیمی نینگ فنی مسوولی فضل احمدمعنوی اوتگن کون کمیسیون جلسه سیگه اشتراک ایتمه گنلیک لرینی ایتیب جریاننی اویلردن ایزله یاتگنی باره سیده خبربیرگن.

شوندی بولسه هم مستقل سیلاو کمیسیونی یوناما وکیللری همده ایچکی وتشقی نظارت چیلر اشتراکی بیلن تفتیش و رایلرنی بیکار قیلیش جریانینی دوام ایتتیریشینی معلوم قیلدی. جریان ایککی نامزد ناظرلری حضورسیزلیگی بیلن دوام ایتماقده. اما محقق جنابلری جریان باره سیده شوندی دیگن:" بیرلشگن ملتلر تشکیلاتی اره له شیشی بیلن قلابی رایلر بیکارقیلینه دی دیب فکر قیلرایدیک اما بیزنینگ طلب لریمیزگه هیچ قندی اعتبار بیریلمه دی. مثال تفتیش جریانیده 2500 محل رای قاغذلرینی کوزه تدیک هربیر تومنده بیر یا ایککی نفر اولتیریب اولرنی اوز قلمی بیلن تولدیرگن هم عدد لر وهم خط لر بیرخیل همده بیر نظارتچینی ات توتیب امضا قوییگن." محقق جنابلری بوکبی رای محلری بیکار قیلینمه گنینی ایتدی.

اشرف غنی احمدزی تیمی جریان شفاف بولیب نهایه تاپیشی اوچون کمیسیوننی ترک ایتگنلرینی معلوم قیلدی.

بوتیم اعضالریدن داوود سلطان زوی گه کوره، سیلاوباره سیده بیرلشگن ملت لرتشکیلاتی نینگ بوتکلیف نی قبول قیلگن لر."جریان شفافلیک وتیزلیکده یکون تاپیشی اوچون یوناما نینگ ایلگری سورگن تکلیفی نی قبول قیلدیک ،اما شرط لر بیلن، بوایسه جریان برچه ایچکی وتشقی نظارتچی لرتاماندن کوزتیلیشی بولگن، همده بیزبوجریاننی کوزه تیب توره میز، کوریلینگچی نیمه بوله دی، اگربیرلشگن ملت لرتشکیلاتی یاخلق لرکوزه تووچیلربیرته خطاگه هم یول قویسه جواب بیریشگه مجبورلر." دییدی

بوجریان بودوربیلن 5مرته دن بیری توخته تیله دی.